Upieršyniu, bolš čym za 20 apošnich hod u Minsku prachodzić vystava retra-matacykłaŭ.
Matacykł dla našych baćkoŭ i dziadoŭ byŭ nie tolki asnoŭnym transpartnym srodkam, matacykł byŭ dla ich vializarnaj častkaj žyćcia. Pra matacykł maryli, jaho dahladali, na im jeździli na «tancy», na im spaborničali adzin z adnym, dy i ci mała jašče čaho… Pačynali zvyčajna z rovara, paśla časam byŭ mapied i, jak viaršynia mary, — matacykł.
Na śviecie jeść niezvyčajnyja ludzi, jakija z pavahaj adnosiacca da retra-matacykła. Heta amatary-kalekcyjaniery i restaŭratary. I mienavita ich ekziemplary ŭ restaŭravanym i, što niemałavažna, u zachavanym stanie buduć pradstaŭleny na vystavie.
Ščyry dziakuj im za heta!
Čamu heta vystava jašče i «pra luddiej»? – a tamu što niekalki razoŭ na miesiac na vystavie buduć arhanizavany sustrečy z amatarami-kalekcyjanierami, restaŭratarami, jakija padzielacca svaim vopytam, raskažuć pra svaje matacykły.
Asablivaściu vystavy budzie toje, što naviedvalniki zmohuć nie tolki ubačyć matacykły i aksesuary, ale i ŭ poŭnym sensie słova dakranucca da ich: budzie arhanizavana admysłovaja fotazona, dzie možna sfatahrafafacca na matacykle.
Taksama dla dziaciej da 16 hod budzie arhanizavany konkurs malunka «Retra-Matacykł». Źviartajem uvahu što na konkurs mohuć być pradstaŭleny raboty jak papiarednie padrychtavanyja, tak i namalavanyja na miescy.
Spadziajemsia što vystava stanie cikajvaj i tym, čyja maładość prajšła z matacykłam i na matacykle, i tym, chto pamiataje dziadulin abo baćkoŭski matacykł, i tym – samym junym, chto bačyŭ ich (matacykły), mahčyma, tolki na fotazdymku.
Tamu i deviz vystavy — Uspomni! Daviedajsia! Dakranisia!
Prahrama vystavy:
- Matacykł časoŭ 2oj suśvietnaj vajny. (da 70-hodździa Pieramohi)
- Paślavajennyja matacykły. (50-80hh. XX st.)
- Matacykły ajčynnyja (MMVZ)
- Hości – italjanskija matacykły
- Sustrečy z kalekcyjanierami-restaŭratarami (upieršyniu)
- Admysłovaja Fotazona
- Konkurs dziciačaha malunka «Retra-Matacykł»
Sardečna zaprašajem na vystavu, na jakoj buduć pradstaŭleny matacykły i mapiedy nie tolki massavaj vytvorčaści, ale i redkija, a, časam, i ŭnikalnyja ekziemplary dla Biełarusi!
Košt: 60 000 darosłyja
50 000 studenty i piensijaniery
40 000 dzieci ad 6 da 16.
Dzieci da 6 hod – uvachod volny
HC «Skała», vuł. P. Hlebki 5, 2 pavierch.
st.m. Spartyŭnaja
***
29 krasavika (sierada) – «DZIEŃ MATACYKŁA NIOMAN»
Upieršyniu ŭ historyi Biełarusi – prezientacyja małaviadomaj staronki matacykletnaj i rovarnaj*(viełasipiednaj) historyi – matacykletnaha i rovarnaha zavoda «Nioman» z Hrodna.
Tolki 2 ekziemplary (adzin – matacykł, adzin rovar), pakul što, viadomy ŭ Biełarusi. I abodva (!) – pradstaŭleny na vystavie.
Padčas prezientacyi:
- historyk Ihar Mielnikaŭ padrabiazna raskaža pra historyju matacykletnaha pradpryjemsta z Hrodna, z demanstracyjaj fatazdymkaŭ taho času.
- udzielniki prezientacyi zmohuć zadać pytańni kalekcyjanieram dvuchkołavaj techniki marki Niemen – Vasilu Ciarešku i Aleksandru Zahorskamu.
- stvaryć nastroj na prezientacyi dapamoža – kalektyŭ tancavalnaj škoły «Areli» – tancami 30ch hadoŭ.
Pačatak prezientacyi — 18.00.
Vystava pracuje z 11.00 da 21.00 štodzionna, biez vychadnych.
Kamientary