USU ŭdaryli pa Tahanrohu: akramia naftavych abjektaŭ, źniščanyja dva samaloty i «Iskander»
Taksama pažar u vyniku ŭdaru bieśpiłotnikaŭ pačaŭsia na naftabazie ŭ Armaviry Krasnadarskaha kraja.
Port u Tahanrohu byŭ atakavany bieśpiłotnikami USU, paviedamiŭ ranicaj u subotu, 30 maja, hubiernatar Rastoŭskaj vobłaści Rasii Juryj Ślusar u svaim telehram-kanale.
U vyniku ataki ŭ tahanrohskim porcie ŭźnik pažar na tankiery, u reziervuary z palivam i ŭ administracyjnym budynku.
Asablivaść ataki ŭ tym, što, akramia zvyčajnych abjektaŭ dla ŭdaraŭ: paliŭnaha reziervuara ŭ porcie i tankiera ŭ akvatoryi — byli źniščanyja dva samaloty Tu-142 na vajskovaj avijabazie i «Iskander» na bajavoj pazicyi ŭ navakolli jaje. Pra heta rastoŭski hubiernatar pramaŭčaŭ, ale videadokazy raspaŭsiudzili kanały Minabarony Ukrainy.
U tuju ž noč pažar u vyniku ŭdaru bieśpiłotnikaŭ pačaŭsia na naftabazie ŭ Armaviry Krasnadarskaha kraja.
«Siońnia nočču ŭ pramysłovaj zonie Armavira ŭ vyniku ataki bieśpiłotnych latalnych aparataŭ paciarpieŭ abjekt TAA «Paŭdniovaja naftavaja kampanija», — paviedamiła haradskaja administracyja ŭ svaim telehram-kanale.
Paźniej tam zajavili, što pažar łakalizavany i paciarpiełych niama.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary