«Pasoł Rasii ŭ Armienii Siarhiej Kopyrkin vyklikany ŭ Maskvu na kansultacyi ŭ suviazi z krokami kiraŭnictva Armienii pa zbližeńni ź Jeŭrasajuzam, jakija nanosiać škodu ŭzajemadziejańniu ŭ ramkach JEAES, paviedamlaje rasijski MZS.
Učora Rasija, Biełaruś, Kazachstan i Kyrhyzstan na samicie ŭ Astanie zapatrabavali ad Armienii pravieści refierendum i vyrašyć pytańnie, ci zastajecca kraina ŭ składzie Jeŭrazijskaha ekanamičnaha sajuza, abo praciahvaje imknucca da ŭstupleńnia ŭ Jeŭrapiejski sajuz.
Taksama Pucin namiaknuŭ na prablemy ŭ Armienii.
«Ja Nikołu Vavajeviču kazaŭ: «Usio, što dobra dla armian, prymalna i dobra dla Rasii. Rabicie tak, jak vy ličycie patrebnym zychodziačy ź intaresaŭ armianskaha naroda. Vy zaraz pry ŭładzie, na vas lažyć adkaznaść za pryniaćcie rašeńniaŭ. Jak vy skažacie — tak i budzie», — skazaŭ Pucin.
7 červienia ŭ Armienii projduć parłamienckija vybary. Na hetym fonie adnosiny pamiž Maskvoj i Jerevanam rezka pahoršylisia. Rasija abvinavačvaje dziejnaha premjer-ministra Armienii Nikoła Pašyniana ŭ prazachodnim kursie. Maskva taksama patrabuje dapuścić da vybaraŭ kiraŭnika rasijskaj pramysłova-budaŭničaj hrupy Tašyr, biznesmiena Samvieła Karapieciana. U adkaz na sproby Jerevana zblizicca ź Jeŭrapiejskim sajuzam Rasija pačała ŭvodzić abmiežavańni na impart pradukcyi z Armienii.
-
Rakieta Blue Origin, što vybuchnuła padčas vyprabavańniaŭ, stavić pad sumnieńnie płany NASA viarnucca na Miesiac
-
Rasija, Biełaruś, Kazachstan i Kyrhyzstan zapatrabavali ad Armienii pravieści refierendum i vybrać pamiž Jeŭrapiejskim i Jeŭrazijskim sajuzami
-
Tramp pakul nie pryniaŭ rašeńnie pa ździełcy ź Iranam
Ciapier čytajuć
«Kali šandarachnie pa ciahniku, chto budzie lidaram demsił?» Dva dni z delehacyjaj Cichanoŭskaj u Kijevie — što zastałosia za kadram11
Kamientary