Dyrektarka aršanskaj škoły, dzie prymali kazakoŭ z rasijskimi ściahami: Nie treba šukać tut «DNR», jany pryjechali ad Viciebskaj jeparchii
Paru dzion tamu infarmacyjnyja sajty Biełarusi ablacieli fotazdymki sustrečy vučniaŭ i nastaŭnikaŭ aršanskaj siaredniaj škoły №19 z pradstaŭnikami arhanizacyi «Pravosłavnyj kazačij vojenno-patriotičieskij kłub vo imia Archanhieła Michaiła». Admietna, što «psieŭdakazaki» mieli našyŭki sa ściahami Rasii, a taksama ŭručali dzieciam hieorhijeŭskija stužački i miedalki ŭ kolery nacyjanalnych ściahoŭ Rasii.
Paśla taho, jak sustreča atrymała šyroki rozhałas, infarmacyja pra jaje źnikła z sajta škoły. Kab razabracca ŭ situacyi, my patelefanavali dyrektarcy škoły Ludmile Šapavałavaj.
«Navučalny hod skončyŭsia, tamu navinu vydalili. Nijakaha cisku tut nie było. Prosta ŭsie ŭžo, chto chacieŭ, z navinoj aznajomiŭsia. Hetak ža budzie rabić z astatnimi navinami, praź niejki čas ich vydalim», — tak tłumačyć jana źniknieńnie naviny z sajta škoły.
Jak uvohule aceńvaje sustreču spn.Šapavałava sustreču z «kazakami»? «Narmalna. Da nas jany pryjazdžali pa linii pravasłaŭnaha vychavańnia. Jany pryjechali ad Viciebskaj jeparchii. My dzialilisia dośviedam», — kaža Ludmiła Viktaraŭna.
A ci nie biantežyć jaje najaŭnaść u haściej škoły rasijskich ściažkoŭ na adzieńni? «Nu, heta ž byli nie nacyjanalisty. Nie šukajcie ŭ hetym pravakacyj, nie šukajcie «DNR». Pravasłaŭje abjadnoŭvaje ŭsie nacyjanalnaści. Sustreča była ŭsiaho adzin raz i ciahnułasia niadoŭha, usiaho try z pałovaj hadziny. A Rasija ŭ nas nie zabaronienaja».
Jašče adno pytańnie, a što za ściah uzdymali školniki i «kazaki» padčas sustrečy – čorna-čyrvona-zialony? «Jaki čorny? Nie było tam čornaha – heta fijaletavy», — adrazu vypalvaje dyrektarka, adnak potym dadaje, maŭlaŭ, nie ŭ kursie, što heta za pałotnišča. Voś tak, dazvalajuć uzdymać ściah, a što za jon – ni hu-hu.
«Nie treba tut sutykać iłbami nas, usio ŭ paradku», — reziumavała dyrektarka SŠ №19 horada Oršy Ludmiła Šapavałava.
Ciapier čytajuć
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali11
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary