Chipstary ŭsio. Na ich miesca pryjduć jaki?

Tydzień tamu Devid Infant apublikavaŭ u Mashable kałonku pra subkulturu, što prychodzić na źmienu chipstaram. Jaje jon nazvaŭ Yuccies (čytajecca jak jaki ci juki) — young urban creatives, što značyć maładyja haradskija kreatyŭščyki. Miarkujučy pa haračych abmierkavańniach u sacsietkach, Infant rychtyk trapiŭ u temu.

Aŭtar adnosić siabie da kreatyŭnaha kłasu, ale jaho abražaje, kali jaho nazyvajuć chipstaram. Jon prapanuje ŭdakładnić terminałohiju. Jon jaki.

«Jak mianie nazyvać? — pytaje Infant. — Ja 26-hadovy piśmieńnik, žyvu ŭ prystojnym rajonie Bruklina. Hieteraseksualny bieły mužčyna z adnachutkasnym rovaram i vusami. Vyvučaŭ humanitarnyja navuki ŭ kaledžy, maju idei nakont usialakaha. Milenijał? Chipstar? Japi? Usio heta razam ci ničoha z taho?».

Jaki, jak jon prapanuje nazyvać padobnych da siabie, heta narodžanyja ŭ spažyvieckim kamforcie ludzi, jakija vierać u siłu adukacyi i pierakananyja ŭ tym, što treba nie tolki iści za svajoj maraj, ale i atrymlivać za heta hrošy.

U Ńju-Jorku ci San-Francyska možna sustreć bahata jaki: hramadskija ekśpierty, jakija prasoŭvajuć brendy ŭ Instagram; prahramisty, jakija raspracoŭvajuć anałah Uber dla zamovaŭ marychuany albo Tinder dla sabak; startapiery, jakija prapanujuć ekałahičnyja soniečnyja akulary z bambukavaj apravaj.

Jany jašče nie asieli ŭ startap-aksieleratarach, sprabujuć pačać tradycyjny karjerny rost. 

Jaki, biezumoŭna, chočuć razbahacieć, ale jašče bolš chočuć razbahacieć i zastacca tvorčy niezaležnymi. I chočuć zarablać na ŭłasnych idejach.

Infant pryvodzić statystyku z apytańniaŭ, ź jakoj vynikaje, što jość 28% milenijałaŭ, jakija ličać, što ich ciapierašniaja praca nie raskryvaje ich talentaŭ. 66% apytanych chočuć pačać ułasny biźnies. Dobraja hleba dla roskvitu jaki.

Kab być jaki, treba:

• Mieć mnoha kopij knihi «Svaboda» Džonatana Franzena
• Nie lubić elitarnaje žyllo ŭ teoryi, lubić ekskluziŭnyja samarobnyja pončyki na praktycy
• Maryć pajechać u Ostyn (štat Techas), bo jon šykoŭny
• Chadzić na zaniatki pa mastactvie, što pravodziacca pad ałkaholem
• Być zvykłym da bankaŭskich spraŭ, ale ŭsio jašče pramaŭlać «finansy» jak «funansy»
• Paźbiahać tatuirovak na bačnych miescach
• Lubić stary amierykanski sitkom «Sajnfield»
• Kuplać niadzielny vypusk New York Times i nie čytać naviny ŭ im
• Mieć tysiačy padpisantaŭ u Instagram, ale praktyčna nie mieć padpisantaŭ u Twitter

U chipstarach, miarkuje aŭtar, možna pabačyć zarodyšy jaki: zrabi-sam-pradprymalnictva, nišavy markietynh, novyja technałohii… Ale siońnia sapraŭdny chipstar, a nie parodyja na chipstara, miortvy: pakazalnaje spažyvańnie ajfonaŭ ci śvinych hrudzinak syšło ŭ mejnstrym, chipstary bolš nie vyłučajucca z natoŭpu.

Kali kožny jość chipstaram, nichto nie jość chipstaram. Kali ŭsie adviarhajuć mejnstrym, vychodzić, što nichto hetaha nasamreč nie robić.

Aŭtar nie moža adnosić siabie da chipstaraŭ: jaho vusy nie acanili by ŭ časy roskvitu chipstarstva, jon nie maje tatuirovak, u jaho dobraja kredytnaja historyja. Ale jon i nie japi (young urban professional — małady haradski śpiecyjalist): čystaja kvatera, katałoh Sharper Image, pački hrošaj nie viažucca z pravam na svabodnuju tvorčaść. Jon choča być paśpiachovym, jak japi, i kreatyŭnym, jak chipstar.

Być jaki značć być ehacentryčnym cynikam, jaki moža isnavać tolki ŭ adsutnaść prablem, tłumačyć Infant. Zručna być nie abciažaranym prablemami i vialikaja asałoda — mieć mahčymaść abirać sabie zaniatak.

Adny pahadžajucca ź Infantam i bačać u siabie jaki. Inšyja prapanujuć aŭtaru nazyvać takich jak jon prosta narcysistami (albo «narcy»). Trecija śćviardžajuć, što taki pratest suprać pryličeńnia siabie da chipstaraŭ heta jakraz vielmi pa-chipstarsku.

Ci mahčmaje źjaŭleńnie jaki ŭ Biełarusi? Ci jany ŭžo tut? Ci miesca chipstaraŭ zojmie niechta inšy? Vykazvajciesia ŭ kamientarach.

• 0
• 0
• 0
• 0
• 0
• 0
• 0
• 0