Lohka skazać «nie puskać!» A što rabić? Tapić karabli, stralać u ludziej, jakija chočuć prytułku ŭ mirnaj, pracavitaj Jeŭropie?
U čaćvier, 3 vieraśnia, byli apublikavanyja pa-sapraŭdnamu šakujučyja fatahrafii. Na samaj pieršaj vidać, što na plažy niedaloka ad fiešenebielnaha tureckaha kurorta Bodrum lažyć cieła maleńkaha chłopčyka. Jon byŭ adnym z 12 siryjskich biežancaŭ, jakija sprabavali dabracca da hrečaskaj vyspy Kos.
Na druhoj fatahrafii pakazany turecki palicejski, jaki na rukach niasie cieła taho samaha chłopčyka, apranutaha ŭ čyrvonuju futbołku i šorty. Tureckija srodki masavaj infarmacyi nazvali imia zahinułaha dziciaci — heta trochhadovy Ajłan Kurdzi.
Jaho piacihadovy brat, pa paviedamleńniach tureckich ŚMI, taksama patanuŭ, jaho cieła było vykinuta na bierah.
Kurdzi, jaho brat i inšyja siryjskija biežancy sprabavali pakinuć horad Kabani, jaki znachodzicca ŭ paŭnočnaj Siryi. U im prachodziać žorstkija bai pamiž «Isłamskaj dziaržavaj» i kurdskimi paŭstancami.
Samaje strašnaje zaklučajecca ŭ tym, što Kurdzi i jaho brat — tolki dźvie śmierci z mnohich socień.
Mihranty hatovyja na lubuju ryzyku, kab pakinuć krainu, u jakoj idzie hramadzianskaja vajna. Na minułym tydni palicejskija ŭ Aŭstryi znajšli furhon, u jakim było bolš za 70 cieł biežancaŭ. Potym znoŭ znajšli hruzavik ź biežancami — u Vienie palicyja znajšła na šašy mašynu, dzie byli 24 afhanskija mihranty. Kuzaŭ byŭ začynieny zvonku i znutry, ludzi ŭnutry ledź nie zadychnulisia.
Pavodle dadzienych ahienctva AAN pa ŭciekačach, za minułaje leta pry sprobach trapić u Jeŭropu zahinuli bolš za 2500 čałaviek. Usiaho ž Mižziemnaje mora z pačatku hoda pierasiekli bolš trochsot tysiač siryjcaŭ.
Z-za napłyvu mihrantaŭ jeŭrapiejskim krainam pryjšłosia nieadkładna reahavać. Vienhryja pabudavała na miažy ź Sierbijaj ścianu z kalučaha drotu, u Niderłandach urad anansavaŭ źmieny zakanadaŭstva — kali papraŭki prymuć, to ŭ vypadku admovy kandydatam na palityčny prytułak im pierastanuć pradastaŭlać ježu i miesca dla pražyvańnia ŭžo praź niekalki tydniaŭ.
Niezadavolenyja ŭciekačy taksama vyrašyli dać adpor jeŭrapiejskim uładam. Tak, da prykładu, u Budapiešcie jany ŭžo niekalki dzion pratestujuć na vakzale. Vienhryja sprabuje zabaranić im vyjechać u Niamieččynu, dzie mihranty spadziajucca atrymać prytułak.
Mahčyma, fatahrafija z zahinułym Ajłanam Kurdzi sapraŭdy prymusić pierahledzieć staŭleńnie jeŭrapiejskich uładaŭ da prablemy biežancaŭ. The Independent užo paprasiła brytanskaha premjer-ministra Devida Kemierana prakamientavać infarmacyju, jakaja źjaviłasia na fatahrafii. Palityk raspavioŭ, što fota sapraŭdy źjaŭlajucca šakujučymi, adnak, pa jaho słovach, Vialikabrytanija robić dastatkova namahańniaŭ dla praduchileńnia vajny ŭ Siryi.
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary