Łukašenka choča, kab jahonyja apanienty pryznali vyniki hałasavańnia
Asnoŭnyja zajavy Alaksandra Łukašenki ŭ časie adkazaŭ na pytańni žurnalistaŭ paśla hałasavańnia.
«Pažadańnie da apanientaŭ — kab my hodna padviali vyniki vybaraŭ, hodna pa-biełarusku. Ja prajhraŭ — ja ščyra skažu, što prajhraŭ, chtości prajhraŭ — jany pavinny ščyra skazać, što jany prajhrali. Heta budzie hodna biełaruskaha naroda, i heta budzie ŭ skarbonku našaj dziaržavy i našaha naroda», — z takim pasłańniem da apanientaŭ źviarnuŭsia Alaksandr Łukašenka, adkazvajučy na pytańni žurnalistaŭ na ŭčastku.
Jon taksama aściarožna vykazaŭsia na temy mahčymaj narmalizacyi adnosin Biełarusi z Zachadam.
«Usio, što Zachad pažadaŭ, usio, što Zachad zachacieŭ bačyć u napiaredadni prezidenckich vybaraŭ u Biełarusi, pryznajusia ščyra, my zrabili, — skazaŭ Alaksandr Łukašenka. — Tamu, kali ŭ Zachadu jość imknieńnie ŭstalavać z nami adnosiny, nichto i ništo pieraškodzić nie moža».
U toj ža čas Alaksandr Łukašenka paćvierdziŭ namier zachavać dobryja adnosiny z Rasijaj. «Rasija — samaja blizkaja kraina Biełarusi, i ŭ hetym možna nie sumniavacca».
U toj ža čas Alaksandr Łukašenka padkreśliŭ, što nie abmiarkoŭvaŭ pytańnie ab raźmiaščeńni ŭ Biełarusi rasijskaj avijabazy z prezidentam Rasii Uładzimiram Pucinym.
Biełaruś nikoli nie budzie placoŭkaj dla napadu na lubuju dziaržavu, skazaŭ jon adnačasova. Alaksandr Łukašenka pierakanany va ŭstalavańni chutkaha miru va Ukrainie.
«Ja hatovy na lubyja pieraŭtvareńni i reformy», — paabiacaŭ Alaksandr Łukašenka.
Jon adkinuŭ abvinavačvańni ŭ falsifikacyi vybaraŭ i zmušeńni ludziej da daterminovaha hałasavańnia, pad čas jakoha biuleteni možna dakinuć u skryni abo padmianić. Pa jahonych słovach, adzinych mižnarodnych standartaŭ praviadzieńnia vybaraŭ nie isnuje.
Kamientary