Kab sačyć za pastaŭkami zbroi Ukrainie, Rasija ŭzłomvaje cyvilnyja kamiery ŭ Jeŭropie
Raźviedvalnyja słužby Niderłandaŭ AIVD i MIVD zajavili, što rasijskija chakiery pravodziać maštabnuju kampaniju pa ŭzłomie cyvilnych IP-kamier u krainach NATA i va Ukrainie. Meta takich atak — sačyć za maršrutami pieravozki vajskovaj techniki i pastavak uzbrajeńnia dla Ukrainy, paviedamlaje The Moscow Times.
Pavodle danych śpiecsłužbaŭ, uzłomu padviarhalisia kamiery, ustanoŭlenyja ŭzdoŭž łahistyčnych maršrutaŭ, u tym liku ŭ samich Niderłandach, jakija źjaŭlajucca adnym z hałoŭnych tranzitnych centraŭ pastavak vajskovaj dapamohi Kijevu. Arhanizacyi, čyje sistemy byli pad pahrozaj, užo atrymali papiaredžańni i pryniali miery dla ŭzmacnieńnia biaśpieki.
U raźviedcy adznačyli, što złamyśniki vykarystoŭvajuć słabyja miescy padklučanych da internetu kamier videanazirańnia. Mnohija pryłady ŭsio jašče pracujuć sa standartnymi parolami, nie abnoŭlenym prahramnym zabieśpiačeńniem i bazavymi naładami biaśpieki. Akramia taho, isnujuć śpiecyjalnyja internet-servisy, jakija dazvalajuć lohka znachodzić takija kamiery i praviarać ich na ŭraźlivaści.
Paśla atrymańnia dostupu da kamier možna nazirać za pieramiaščeńniem techniki i hruzaŭ u režymie realnaha času, što dazvalaje vyznačać, jakaja zbroja i ŭ jakich abjomach pastupaje va Ukrainu.
Vydańnie The Telegraph adznačaje, što vykarystańnie cyvilnych kamier dla raźviedki stała adnym z raspaŭsiudžanych instrumientaŭ sučasnych vojnaŭ. Taki sposab značna tańniejšy za vykarystańnie spadarožnikaŭ abo bieśpiłotnikaŭ i dazvalaje atrymlivać infarmacyju z uzroŭniu ziamli.
Pavodle niderłandskich śpiecsłužbaŭ, padobnyja mietady raniej vykarystoŭvali i inšyja baki kanfliktaŭ, adnak ciapierašniaja dziejnaść rasijskich dziaržaŭnych struktur adroźnivajecca maštabam i sistemnym charaktaram.
Sakretny płan NATA suprać Pucina: jak Zachad rychtujecca da abarony ad Rasii
Va USU zajavili pra źniščeńnie 19 tankieraŭ u Azoŭskim mory. Jany mahli vazić bienzin u Krym
U Francyi zatrymali biełarusa za špijanaž i sprobu padpału zavoda, jaki vyrablaje bajavyja drony
Što skončycca raniej: vajna ci Pucin? Prahnozy zachodnich analitykaŭ
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
Kamientary