Premjer-ministarka Jeva Kopač («Hramadzianskaja płatforma», na fota sprava) i lidarka pravaj apazicyi Bieata Šydła («Prava i spraviadlivaść», na fota źleva) syšlisia ŭ teledebatach u paniadziełak uviečary. Dyskusiju tranślavali adnačasova jak dziaržaŭnyja, tak i pryvatnyja polskija telekanały i najbujniejšyja partały.
Debaty ŭ Polščy pravodziacca pa amierykanskim pryncypie: palityki razmaŭlajuć miž saboj i adkazvajuć na pytańni žurnalistaŭ z roznych vydańniaŭ.
Sacyjołahi dajuć «Pravu i spraviadlivaści» ad 32 da 39% hałasoŭ, a Hramadzianskaj płatformie — 20 da 28%. Sacyjałahičnyja apytańni pravodziać niezaležnyja ad dziaržavy i asobnych partyj sacyjałahičnyja słužby.
Na miažy vybarčaha barjera bałansuje błok Abjadnanych levych, tak i Polskaja sialanskaja partyja, a taksama libieralnaja «Sučasnaja Polšča», Vybarčy śpis Kukiza i partyja polskaha Žyrynoŭskaha Korvina-Mikie.
Polskija libierał-kansiervatary z kiraŭničaj Hramadzianskaj płatformy i nacyjanał-kansiervatary z «Zakona i spraviadlivaści» kansensusna pravodziać palityku, skiravanuju na padtrymku niezaležnaści Biełarusi i Ukrainy. Polskija nacyjanalisty, u svaju čarhu, da biełarusaŭ i ŭkraincaŭ staviacca nieprychilna, a sa strataj Vilni, Hrodna i Lvova nie źmirylisia. Da ich liku možna zaličyć vybarcaŭ Kukiza. U toj ža čas Korvin-Mikie, jak i častka Abjadnanych levych, źviazanyja z Maskvoj.
Sacyjalnaja płatforma polskich nacyjanalistaŭ blizkaja da pazicyi francuzskaha Nacyjanalnaha frontu.
U Polščy dla papadańnia ŭ Sojm partyja pavinna nabrać minimum 5% hałasoŭ, a błok — 8%. Sistema vybaraŭ u Sojm — praparcyjnaja. U Sienat ža vybirajuć pa mažyratarnaj sistemie prostaj bolšaściu hałasoŭ.
U Sojmie 460 deputataŭ, u Sienacie — 100.
Mahčyma, mienavita adna ź mienšych partyj i stanie partnioram pieramožcy pa ŭradavaj kaalicyi.
Apošnija vosiem hadoŭ Polščaj kiravała kaalicyja Hramadzianskaj płatformy i Polskaj sialanskaj partyi.
Polšča — demakratyčnaja kraina, kirujučaja i apazicyjnyja siły majuć roŭny dostup u tym liku da dziaržaŭnych ŚMI.
Asablivaściu apošnich vybaraŭ stała toje, što ŭpieršyniu abiedźvie najbujniejšyja partyi na vybary viaduć žančyny.
-
Tramp zajaviŭ, što Pucina nie zaprašali na G20 u Majami, ale jahony ŭdzieł byŭ by karysny
-
U Polščy buduć sudzić 12 dropieraŭ — jany davali svaje rachunki machlaram dla vyvadu hrošaj. Siarod ich jość i biełarusy
-
U Tehieranie nie chapaje hrošaj, pakupnikoŭ u kramach niama, a pahroza vajny nie adstupaje
Ciapier čytajuć
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču23
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz4646
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz46
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary