Nacyjanał-kansiervatary «Zakona i spraviadlivaści» tryumfalna pieramahli ŭ Polščy
Nacyjanalna-kansiervatyŭnaja partyja «Zakon i spraviadlivaść» pieramahaje na parłamienckich vybarach u Polščy. Jana nabiraje kala 38%. Heta daść joj absalutnuju bolšaść u parłamiencie i mahčymaść samastojna sfarmiravać urad.
Za «Hramadzianskuju płatformu» (kiraŭnik — dziejučy premjer Jeva Kopač) addali hałasy 23%. Antysistemnaja partyja śpievaka Kukiza — 9%, libieralnaja partyja «Sučasnaja Polšča» — 7%, Polskaja sialanskaja partyi — 5%.
Levyja zusim nie prachodziać u Sojm.
Jaŭka skłała 51%.
U mai kandydat ad «Prava i spraviadlivaści» Andžej Duda byŭ abrany prezidentam Polščy.
Jarasłaŭ Kačynski zajaviŭ, što ŭ vypadku pieramohi nie źbirajecca być premjeram, na hetu pasadu jon vyłučyŭ svaju namieśnicu Bieatu Šydła.
Polskija libierał-kansiervatary z kiraŭničaj Hramadzianskaj płatformy i nacyjanał-kansiervatary z «Zakona i spraviadlivaści» kansensusna pravodziać palityku, skiravanuju na padtrymku niezaležnaści Biełarusi i Ukrainy.
Polskija nacyjanalisty, u svaju čarhu, da biełarusaŭ i ŭkraincaŭ staviacca nieprychilna, a sa strataj Vilni, Hrodna i Lvova nie źmirylisia. Da ich liku možna zaličyć Kukiza. U toj ža čas Korvin-Mikie, jak i častka Abjadnanych levych, źviazanyja z Maskvoj. Praŭda, ciapier ich hołas mała što budzie značyć.
U Polščy dla papadańnia ŭ Sojm partyja pavinna nabrać minimum 5% hałasoŭ, a błok — 8%. Sistema vybaraŭ u Sojm — praparcyjnaja. U Sienat ža vybirajuć pa mažyratarnaj sistemie prostaj bolšaściu hałasoŭ.
U Sojmie 460 deputataŭ, u Sienacie — 100.
Mahčyma, mienavita adna ź mienšych partyj i stanie partnioram pieramožcy pa ŭradavaj kaalicyi.
Apošnija vosiem hadoŭ Polščaj kiravała kaalicyja Hramadzianskaj płatformy i Polskaj sialanskaj partyi.
Polšča — demakratyčnaja kraina, kirujučaja i apazicyjnyja siły majuć roŭny dostup u tym liku da dziaržaŭnych ŚMI.
Asablivaściu apošnich vybaraŭ stała toje, što ŭpieršyniu abiedźvie najbujniejšyja partyi na vybary viali žančyny.
Pieramoha «Zakona i spraviadlivaści» aznačaje bolš kansiervatyŭnuju palityku Polščy ŭ sacyjalnych pytańniach, jašče bolšy akcent na adstojvańnie nacyjanalnych intaresaŭ i baraćbu z karupcyjaj.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary