Pad Varoniežam biełarus zajšoŭ u čužuju kvateru, abviaściŭ ab praviadzieńni kontrterarystyčnaj apieracyi i zabraŭ hrošy
Recydyvist Vasil Karłašoŭ zapeŭnivaŭ, što ŭžo na nastupny dzień raskajaŭsia i chacieŭ viarnuć hrošy, ale niejak nie atrymałasia.
Uradženca Biełarusi Vasila Karłašova sudzili ŭ Varoniežskaj vobłaści za machlarstva, ale abmiežavalisia ŭmoŭnym terminam.
U žniŭni 2024 hoda Karłašoŭ dapamoh nieznajomamu maładomu čałavieku adkryć kran z vadoj u zdymnaj kvatery ŭ siale Novaja Usmań — heta najbujniejšaje siało Rasii, jano znachodzicca ŭ Varoniežskaj vobłaści i ŭ im žyvie bolš za 36 tysiač čałaviek.
U razmovie vyśvietliłasia, što toj pryjechaŭ ź inšaha rehijona i zdymaje žyllo pasutačna. Mienavita tady biełarus prydumaŭ schiemu, jak zavałodać hrašyma novaha znajomaha.
Praz dva dni jon pryjšoŭ da maładoha čałavieka, jaki na toj čas užo pierajechaŭ u inšuju kvateru na 10‑m paviersie taho ž doma. Karłašoŭ pradstaviŭsia supracoŭnikam Fiederalnaj słužby pa kantroli za abarotam narkotykaŭ, zajaviŭ, što ŭ Varoniežy dziejničaje režym kontrterarystyčnaj apieracyi i pryjezdžy abaviazany byŭ zarehistravacca na praciahu sutak, čaho nie zrabiŭ. Kab «paźbiehnuć adkaznaści», jon prapanavaŭ damovicca prykładna na $150. Napałochany mužčyna pieravioŭ hrošy praz dadatak banka.
Biełarus śćviardžaŭ, što na nastupny dzień viarnuŭsia da achviary, kab addać hrošy nazad, adnak dźviery jamu nie adčynili — paciarpieły ŭžo pazvaniŭ u palicyju. Daviedaŭšysia, što jaho šukajuć, Karłašoŭ sam pryjšoŭ u adździaleńnie, napisaŭ jaŭku z pavinnaj i poŭnaściu pryznaŭ vinu.
U Karłašova byli kryminalnyja pryhody i raniej. U siaredzinie 2010‑ch jaho sudzili pa narkatyčnym artykule ŭ Kurskaj vobłaści Rasii. Dali šeść hadoŭ. Jon paprasiŭ ekstradycyju i dasiedžvaŭ termin u kałonii №8 u Oršy. Miarkujučy pa tym, što ŭ Biełarusi jon trapiŭ u kałoniju dla recydyvistaŭ, to i na radzimie heta byŭ nie pieršy jaho zalot.
Adnak ciapier rasijski sud pastaviŭsia da Karłašova łahodna — uličyŭ poŭnaje pryznańnie viny i toje, što jon viarnuŭ hrošy. Dyj paciarpieły pretenzij da jaho nie mieŭ. Biełarusu dali 1 hod i 8 miesiacaŭ umoŭna.
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana3
Kamientary