Manholski prezident źniaŭsia ŭ navahodnim roliku ŭ roli viasiołaha cyrulnika, Pucina ŭ klipie vystaŭlajuć za dźviery
Manholski prezident Cachijahijn Ełbehdorž źniaŭ navahodniaje vinšavańnie ŭ vyhladzie humarystyčnaha rolika. Jaho vobraz ŭvasobiŭ adzin ź viadomych miascovych akcioraŭ, a sam kiraŭnik dziaržavy vykanaŭ rolu cyrulnika.
Videa raźmieščana na kanale prezidenta Ełbehdorža ŭ YouTube.
Nazyvajecca rolik Mendčyłhee — «Vitaju!». U roliku manholski lidar u žartaŭlivaj formie daŭ spravazdaču pierad narodam ab tym, što zrabiŭ za hod.
Sam prezident ihraje ŭ skietčkomie rolu cyrulnika, jaki pryčesvaje «prezidenta Ełbehdorža». Rolu kiraŭnika dziaržavy syhraŭ viadomy manholski akcior Doržsuren.
Asablivuju viesiałość u «zakadravaha hledača» vyklikała toje, jak «prezident» i «cyrulnik» ź ironijaj abyhrali nievysoki rost Ełbehdorža.
U roliku hrošy cyrulnik trymaje ŭ prazrystaj skryni — heta jaho «prazrystyja dachody».
Śmiech publiki vyklikaŭ i «prezydent Rasiei», što pad huki himna Rasii sprabuje ŭvajści ŭ pakoj. Jamu pakazali na dźviery.
Namiok na Baraka Abamu čytajecca ŭ vobrazie druhoj klijentki cyrulnika Ełbehdorža. Heta žančyna ŭ bihudzi, ź jakoj prezident robić sełfi ŭ kancy rolika.
Letaś na adnym z samitaŭ prezident ZŠA sapraŭdy niajomka uzmachnuŭ rukoj pierad tvaram manholskaha prezidenta. U vyniku manhoły, razhladajučy hetyja fota ŭ presie, doŭha abmiarkoŭvali: navošta Abama zakryŭ tvar Ełbehdorža.
Kamientary