Skončylisia vybary Ptuški 2027 hoda, arhanizavanyja NPC NAN Biełarusi pa bijaresursach, infarmacyjnym resursam «Smartpres»i kampanijaj «Dzikaja pryroda», paviedamlaje telehram-kanał «Dzikaja pryroda pobač».
Udzielniki mahli prahałasavać na piaci anłajn-placoŭkach da 23 žniŭnia ŭklučna za adnu z čatyroch ptušak-kandydataŭ. Vyniki ŭsich placovak pa kožnym vidzie składvalisia.
Usiaho sabrana 4172 hałasy. I voś vyniki:
- 1 miesca: ščurka-pčałajedka — 2165 hałasoŭ.
- 2 miesca: kačka-čyrka — 946 hałasoŭ.
- 3 miesca: čajka-rybačka — 533 hałasy.
- 4 miesca: vialiki bakłan — 528 hałasoŭ.
Takim čynam, ź vialikim adryvam u sioletnim hałasavańni pieramahła ščurka-pčałajedka. Jana zamienić Ptušku 2026 hoda — čornaha busła. Ščurka zaniała pieršaje miesca na kožnaj placoŭcy hałasavańnia.
Ščurka-pčałajedka — čyrvanaknižnaja pieralotnaja ptuška. Hniazdujecca ŭ norach, sustrakajecca pa ŭsioj Biełarusi, ale čaściej na poŭdni. Kolkaść pastupova raście praz paciapleńnie klimatu. Hałoŭnaja prablema — razbureńnie hniozdaŭ u karjerach, tamu važna svoječasova vyjaŭlać takija miescy i brać ich pad achovu.
Nastupny hod projdzie pad kryłom hetaj pryhožaj ptuški — napieradzie aśvietnickija i pryrodaachoŭnyja akcyi.
Ludzi nie zastalisia abyjakavymi i da inšych kandydataŭ. Druhoje miesca zaniała kačka-čyrka — maleńkaja pieralotnaja kačačka, kolkaść jakoj imkliva źnižajecca, a kačaraŭ dahetul lehalna adstrelvajuć viasnoj. Navat nielubimy mnohimi bakłan atrymaŭ sotni hałasoŭ padtrymki, bo ptuška nie vinavataja, što pryroda zrabiła jaje vydatnym rybałovam. Ale jašče nidzie bakłany nie źniščyli ŭsiu rybu, jak heta časam robić čałaviek.
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma12
Kamientary