Jak vyśvietliła «Hazieta.ru», novy v.a. hubiernatara Tulskaj vobłaści Alaksiej Dziumin byŭ asabistym adjutantam Uładzimira Pucina ŭ bytnaść taho premjer-ministram i adyhraŭ nie apošniuju rolu ŭ dałučeńni Krymu da RF.
U aŭtorak Uładzimir Pucin vyzvaliŭ ad pasady hubiernatara Tulskaj vobłaści miljardera Uładzimira Hruździeva, jaki kanfliktavaŭ z uradam, i pryznačyŭ vykonvajučym abaviazki kiraŭnika rehijonu namieśnika ministra abarony Alaksieja Dziumina.
U studzieni Hruździeŭ, vykazvajučysia suprać urazańnia vypłat dla čarnobylcaŭ, publična zapatrabavaŭ ad kiraŭnika Minfina RF Antona Siłuanova rastłumačyć tulakam, za što ich pazbaŭlajuć srodkaŭ.
Da pryznačeńnia v.a. aficyjnaja bijahrafija Dziumina składałasia ź niekalkich radkoŭ. Usio žyćcio jon prapracavaŭ u vajskovych strukturach. Byŭ zvyčajnym aficeram achovy ŭ Słužbie achovy prezidenta ŭ pieryjad papiaredniaha prezidenctva Uładzimira Pucina. Kali ŭrad uznačaliŭ Uładzimir Pucin, Dziumin staŭ asabistym adjutantam premjer-ministra.
Abaviazki adjutanta vielmi šyrokija, padkreślivaje surazmoŭca «Haziety.ru», heta ŭsio — pačynajučy ad pytańniaŭ zabieśpiačeńnia pobytu achoŭnaj asoby da zabieśpiačeńnia biaśpieki. «Adjutant u premjer-ministra, hetak ža jak i ŭ prezidenta, niekalki. Pracujuć paźmienna. Supravadžajučy načalnika ŭ pajezdkach, adjutant siadzić na piarednim siadzieńni mašyny, u jakoj jedzie pieršaja abo druhaja asoba krainy».
Dziumin padčas svaich dziažurstvaŭ navat načavaŭ z tahačasnym premjeram ŭ adnym domie.
Paźniej Dziumin, zhodna ź bijahrafijaj, jakuju pryvodzić TASS, kamandavaŭ siłami śpiecapieracyj VS RF. Niekalki krynic «Haziety.ru» raspaviali, što Dziumin adyhraŭ nie apošniuju rolu ŭ dałučeńni Krymu da Rasiei.
Jość u bijahrafii Dziumina i jašče adzin cikavy momant: jon źjaŭlajecca staršynioj apiakunskaj rady i bramnikam Načnoj chakiejnaj lihi (NCHŁ) i nie raz udzielničaŭ u matčach z Uładzimiram Pucinym.
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny30
Kamientary