U Hrodzienskim zaaparku stary voŭk pamior, dačakaŭšysia vaŭčaniat sabie na zamienu
U Hrodzienskim zaaparku źjavilisia dva novyja žychary — vaŭčaniaty Čuk i Hiek. Ich prybyćcio stała praciaham kranalnaj historyi, źviazanaj ź lehiendarnym miascovym vaŭkom Ciapłonam, piša pres-słužba zaaparka.
Jašče ŭ 2009 hodzie ŭ zaaparku pasialiłasia para vaŭkoŭ — Ciapłon i Pietra. Žyvioły doŭhija hady žyli razam u spakoi i dastatku. Adnak niekalki hadoŭ tamu Pietra pamierła va ŭzroście 16 hadoŭ, i Ciapłon zastaŭsia adzin.
Supracoŭniki zaaparka pačali šukać dla jaho novych susiedziaŭ, ale zrabić heta było niaprosta. Choć vaŭkoŭ u Biełarusi chapaje, damoŭlenaści ab pieradačy vaŭčaniat pa roznych pryčynach pastajanna zryvalisia.
Tym časam Ciapłon stareŭ. Jon staŭ horš bačyć i čuć, u jaho ŭźnikli prablemy z zadnimi łapami. Tym nie mienš stary voŭk da apošniaha zastavaŭsia dastatkova mocnym i samastojna charčavaŭsia.
Naprykancy maja narešcie źjaviłasia mahčymaść pryvieźci ŭ zaapark dvuch vaŭčaniat. Ale paśla taho jak usie nieabchodnyja dakumienty byli aformlenyja, Ciapłon upieršyniu za ŭsio žyćcio admoviŭsia ad ježy. Na nastupny dzień supracoŭniki zaaparka pajechali zabirać novych hadavancaŭ, a stary voŭk tym časam cicha pamior.
U zaaparku ličać hetuju historyju asablivaj. Tam upeŭnienyja, što Ciapłon nibyta čakaŭ mienavita hetych vaŭčaniat, kab pieradać im svajo miesca i pakinuć paśla siabie hodnuju źmienu.
Ciapier u valjery, dzie kaliści žyli Ciapłon i Pietra, asvojvajucca maładyja vaŭki Čuk i Hiek. Novych nasielnikaŭ užo ličać paŭnapraŭnymi členami vialikaj siamji Hrodzienskaha zaaparka.
Pad Rečycaj źniali, jak voŭk pierapłyvaje raku VIDEA
«A jak karmić, chlebam chiba?» U mahiloŭskim zaasadzie dzieci hladzieli na adsiečanuju hałavu kazuli ŭ vaŭčynym valjery
U Paŭdniovaj Karei znajšli vaŭka, jaki źbieh z zaaparka. Za jaho pošukami sačyła ŭsia kraina
Prosta pasiarod Hamburha voŭk ukusiŭ žančynu ŭ tvar
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary