Łukašenka: «My budziem realizoŭvać prapanovy [MVF], jak by ni było składana»
Pry hetym Biełaruś «i nadalej nie budzie davać nievykanalnych abiacańniaŭ zachodnim partnioram». Pra heta siońnia zajaviŭ Alaksandr Łukašenka, prymajučy z dakładam ministra zamiežnych spraŭ Uładzimira Makieja.
Kiraŭnictva Rasijskaj Fiederacyi pryniało rašeńnie ab padtrymcy ekanomiki Biełarusi. Pra heta siońnia zajaviŭ Alaksandr Łukašenka, prymajučy z dakładam ministra zamiežnych spraŭ Uładzimira Makieja.
«Prezident Rasii i premjer nie tolki paabiacali, ale pryniali rašeńnie ab padtrymcy, jak by ni było składana ŭ Rasii, ekanomiki Biełarusi», — adznačyŭ Alaksandr Łukašenka, kažučy ab vynikach svaich niadaŭnich sustreč z prezidentam RF Uładzimiram Pucinym i premjer-ministram Dźmitryjem Miadźviedzievym.
Kiraŭnik dziaržavy dadaŭ, što padčas hetych sustreč baki najpadrabiaźniejšym čynam abmierkavali mnohija prablemy, damoviŭšysia razam vychodzić z ekanamičnaj situacyi.
U toj ža čas kankretnaj infarmacyi, u čym budzie zaklučacca padtrymka, nie prahučała. U sistemie ŭłady Biełarusi ministr zamiežnych spraŭ Makiej adkazvaje za kantakty z Zachadam. Tamu sustreča Łukašenki ź im adrazu pa viartańni z Rasii — krasamoŭny fakt.
Pres-słužba Alaksandra Łukašenki ahučyła nastupnyja jaho zajavy.
Łukašenka adznačyŭ, što Biełaruś zaŭsiody sumlenna abychodzicca z partniorami na mižnarodnaj arenie, jak by ni było składana i ciažka. «Usie razumiejuć, kali my skazali — my zrobim. Kali my nie možam, my nie kažam», — padkreśliŭ jon.
Zakranajučy raźvićcio supracoŭnictva ź Mižnarodnym valutnym fondam, kiraŭnik dziaržavy adznačyŭ: «Kali pojduć na padtrymku Biełarusi, pra jakuju my zapytvali, — dziakuj, nie pojduć, značyć, nie pojduć».
«Ale vieści pieramovy ź imi treba z ulikam našych pazicyj, taho, što my taksama im abiacali», — dadaŭ Alaksandr Łukašenka i vykazaŭ pierakananaść, što ŭ MVF z razumieńniem pastaviacca da takoj pazicyi.
Alaksandr Łukašenka padkreśliŭ, što MVF nie ŭnosić Biełarusi niezrazumiełyja i niepatrebnyja prapanovy. «My budziem realizoŭvać ich prapanovy, jak by ni było składana», — reziumavaŭ kiraŭnik krainy. Tak skančaje svajo paviedamleńnie aficyjnaje ahienctva BiełTA.
Ciapier čytajuć
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy136136
Kamientary