Va Urocłavie pasažyr udaryŭ butelkaj pa hałavie 66‑hadovaha taksista ź Biełarusi za «ŭschodni akcent»
Va Urocłavie pasažyr padčas pajezdki napaŭ na 66‑hadovaha kiroŭcu taksi, hramadzianina Biełarusi. Pačuŭšy «ŭschodni akcent», jon pačaŭ abražać taksista, a potym udaryŭ jaho šklanoj butelkaj pa hałavie, paviedamlaje palicyja Urocłava.
Nastupstvy incydentu zafiksavaŭ videarehistratar aŭtamabila, jaki jechaŭ śledam. Na raspaŭsiudžanym palicyjaj zapisie vidać, jak małady pasažyr vybiahaje z taksi, kali jano tolki pierastrojvajecca ŭ apošni pravy šerah. Śledam vychodzić paciarpieły kiroŭca, jaki trymajecca za hrudzi i ź ciažkaściu staić, piša Most.
Taksist źviarnuŭsia ŭ palicyju. Palicejskija chutka znajšli i zatrymali napadnika. Im akazaŭsia 23‑hadovy mužčyna. Ahresaru pradjavili abvinavačańnie ŭ napadzie na nacyjanalnaj hlebie. Jamu pahražaje da piaci hadoŭ pazbaŭleńnia voli, adnak da suda jon budzie znachodzicca na voli pad nahladam palicyi.
Kamientary