Pamior bracik chłopčyka, jaki staŭ simvałam achviar rasijskich bambiožak u Alepa
Starejšy brat chłopčyka Amrana, jaki taksama paciarpieŭ pry abstrele ich doma ŭ Alepa, pamior ad ranieńniaŭ u Siryi, paviedamlajuć arabskija i jeŭrapiejskija ŚMI.
Los piacihadovaha Amrana staŭ simvałam trahiedyi Siryi. Historyja atrymała šyroki rezanans paśla taho jak ŚMI apublikavali videa «Miedycynskaha centra Alepa» ab vyratavańni dziciaci z budynka, razburanaha ŭdaram rasijskaj avijacyi.
Kadry maleńkaha Amrana, skryvaŭlenaha i ŭ stanie šoku, raźlacielisia pa sacyjalnych sietkach.
VKS Rasii abvierhła zajavy pra toje, što hety dom u kantralavanaj paŭstancami častcy Alepa byŭ razburany ŭ vyniku rasijskaha avijaŭdaru.
Rasija ŭmiašałasia ŭ hramadzianskuju vajnu ŭ Siryi na baku dyktatara z ałavickaj dynastyi Asadaŭ.
Suprać Asada vajujuć jak radykalnyja isłamisty, padzielenyja na dziasiatak ideałahičnych i rehijanalnych hrupovak, tak i ŭmieranaja Svabodnaja armija Siryi (SAS).
Isłamistaŭ finansujuć Katar, Saudaŭskaja Aravija i Turcyja.
SAS abapirajecca na dapamohu ZŠA i Vialikabrytanii.
Suprać Asada vystupajuć taksama etničnyja atrady kurdaŭ, druzaŭ, turkmienaŭ, što adstojvajuć svaje etničnyja intaresy.
Na baku Asada vajujuć etničnaja armija livanskich šyitaŭ «Chiezbałach» i ekśpiedycyjny korpus Irana.
Asada padtrymlivajuć taksama siryjskija chryścijanie — ich u krainie było kala 10%, ale mienavita jany składajuć značnuju častku ŭciekačoŭ u krainy Jeŭropy i Paŭnočnaj Amieryki. Jany bajacca ŭstanaŭleńnia ŭ krainie isłamisckaha režymu ŭ vypadku padzieńnia Asada.
Najbolšaj pahrozaj ličycca tak zvanaja «Isłamskaja dziaržava Iraka i Levanta», baraćboj ź jakoj apraŭdvajuć svajo ŭmiašańnie i Rasija, i ZŠA. U apošnija tydni Isłamskaj dziaržavie nanieśli niekalki značnych paražeńniaŭ SAS i kurdskija apałčency.
Vajna ŭ Siryi pryviała da socień tysiač achviaraŭ. Bambiožkami i artabstrełami razburany sotni nasielenych punktaŭ.
U apošnija dni žorstkija bai viaducca pamiž kurdami i siłami Asada ŭ Chasacy, a taksama pamiž isłamistami i siłami Asada — u Alepa.
Ciapier čytajuć
Udava Mikity Miełkaziorava ŭpieršyniu publična raskazała pra noč jaho śmierci11
Udava Mikity Miełkaziorava ŭpieršyniu publična raskazała pra noč jaho śmierci
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary