U internecie idzie zbor podpisaŭ za normu, kab na ceńniku ŭkazvali košt u pieraliku za 1 litr ci kh
«Apošni čas vytvorcy praduktaŭ usio bolš chitrujuć, fasujučy ŭ standartnuju ŭpakoŭku ŭsio mienš praduktu. Naprykład, u plašku kiefiru nalivajuć 950 ci 930, pry hetym pamier ŭpakoŭki zastajecca raniejšy. Toje samaje robicca i z sypkimi praduktami, naprykład, krupami», — pišacca ŭ pietycyi.
Kab čałavieku lahčej było paraŭnoŭvać pradukty, aŭtar pietycyi prapanuje Ministerstvu antymanapolnaha rehulavańnia i handlu abaviazać usie handlovyja abjekty pakazvać na ceńniku praduktaŭ taksama i canu ŭ pieravodzie da «kruhłaj» miery — 1 ł, 1 kh. A dla drobnych praduktaŭ, takich, jak maroziva, — za 100 h. I rabić heta bujnym šryftam.
Takaja norma isnuje, darečy, u Jeŭrasajuzie.
«Takija miery buduć zručnyja kupcam i buduć pieraškadžać strymlivać schavany rost cenaŭ, kali vytvorca, zachoŭvajučy canu na butelku małaka, da prykładu, pamianšaje kolkaść małaka ŭ butelcy», — piša aŭtar.
Novaja norma, adnak, stvaraje dadatkovyja zadačy dla kramaŭ: im pryjdziecca vyličvać canu za kilo ci litr.
Varta nahadać, što internet-pietycyi nie majuć jurydyčnaj siły. A voś kožny zvarot z podpisam Ministerstva handlu abaviazanaje razhledzieć.
Kamientary