Davydźka aburyŭsia śviežym numaram «Našaj Nivy»: «Apazicyja składaje śpisy vorahaŭ naroda»
U čarhovym vypusku prahramy «Kłub redaktaraŭ» staršynia Biełteleradyjokampanii Hienadź Davydźka aburyŭsia śviežaj papiarovaj «Našaj Nivaj».
Centram numara stała vialikaje daśje pra biełaruskich «zachodnierusistaŭ». Heta i vyklikała niezadavolenaść Davydźki.
«Na dvare XXI stahodździe, a ŭ nas znoŭ zaklikajuć da śviaščennaj nianaviści. Heta nie «Praŭda», a «Naša Niva». Ciapier jana drukuje śpis vorahaŭ naroda. Z čaćviortaj pa vośmuju staronku artykuł «Chto choča zrabić ź Biełarusi Zachodniuju Rasiju». Dziasiatki proźviščaŭ, jakija paśmieli mieć inšy punkt hledžańnia, čym u «Našaj Nivy». Artykuł vytrymany ŭ styli pracesaŭ 1930-ych hadoŭ. Hazieta navat nie pasaromiełasia nadzieć na siabie kiciel prakurora-abvinavaŭcy, zapatrabavaŭšy ad suda surovaha pakarańnia», — zajaviŭ Davydźka.
«Ideałohija zachodnierusizmu naŭprost varožaja biełaruskaj nacyjanalnaj idei ŭvohule dy idei samakaštoŭnaści biełaruskaj dziaržaŭnaści ŭ pryvatnaści», — voś hetaja vysnova aburyła kiraŭnika BT.
«Ci apraŭdanaja takaja žorstkaść u ideałahičnaj baraćbie?» — zapytaŭsia Davydźka ŭ inšych udzielnikaŭ prahramy, ale nie znajšoŭ padtrymki.
Redaktar «Savieckaj Biełarusii» Pavieł Jakubovič nie ŭbačyŭ u artykule žorstkaści. Jon patłumačyŭ, što «nacyjanalistyčna aryjentavanych publicystaŭ» časam pierachlostvaje praź ich maładość. Maŭlaŭ, heta reakcyja nie razumnaja, ale naturalnaja. Realnuju ž prablemu Jakubovič bačyć u dziejnaści prarasijskich šavinisckich resursaŭ nakštałt «Rehnuma».
Redaktar «Arhumientaŭ i faktaŭ» Ihar Sakałoŭ prapanavaŭ stavicca da artykuła «NN» jak da dyskusii ŭ ŚMI.
Urešcie Davydźka ŭdakładniŭ, što nie zhodny z punktam hledžańnia zachodnierusistaŭ, jak i «Naša Niva», ale, maŭlaŭ, nie prymaje zaciataść baraćby.
-
Na mahile Viački Stankieviča na pomniku — ni słova pa-biełarusku. Voś pra što heta kaža nakont emihrantaŭ, emihracyi i «biełaruskaści ŭnukaŭ»
-
Lvoŭski: U Biełarusi nacyjanalnaje śviata — heta rycarskija turniry, u Rasii — sarafany i karahody
-
Praryŭ marakancaŭ u Sieutu: što heta było? Ci mahła heta być tonkaja pomsta Vašynhtona Madrydu? I ci adabjecca na lehalizacyi biełarusaŭ?
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary