Faktyčnaje zakryćcio Armuzskaha praliva, praź jaki prachodzić kala 30% suśvietnych pastavak ZVH (zvadkavanaha pryrodnaha hazu), pryviało da rezkaha rostu cen na haz.
Jeŭropa zakuplaje zvadkavany haz pieravažna ŭ ZŠA, adnak hłabalnaja kankurencyja za paliva moža abvastracca, bo azijackija krainy ŭ asnoŭnym impartujuć jaho mienavita ź Blizkaha Uschodu, piša Moscow Times.
Cana hazavaha fjučersa Dutch TTF u Jeŭropie padniałasia ŭ paniadziełak ranicaj da 40,8 jeŭra, što na 27,5% vyšej za canu zakryćcia ŭ piatnicu. Da 12:00 cana krychu źniziłasia — da 39,2 jeŭra/MVt·h ($484 za 1000 kubamietraŭ), rost skłaŭ 22,5%. Hety skačok staŭ samym značnym sa žniŭnia 2023 hoda.
Na vychodnych paśla pačatku bambardzirovak siłami ZŠA i Izraila, jakija pryviali da hibieli ajatały Ali Chamieniei i šerahu vajennych i palityčnych lidaraŭ Irana, apošni abviaściŭ pra spynieńnie handlu praz Armuzski praliŭ da nastupnaha paviedamleńnia, a zatym padbiŭ try tankiery. Niekalki tankieraŭ, što nakiroŭvalisia ŭ Katar i AAE dla zahruzki ZVH, stali zatrymlivacca abo mianiać maršrut, adznačaje Bloomberg.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary