U milicyju źviarnułasia minčanka: jaje 19‑hadovy syn vynies z domu siamiejny aščadak i nie vychodzić na suviaź. Žančyna vykazała zdahadku, što jon pad upłyvam ašukancaŭ, paviedamlaje telehram-kanał «Milicyja Minska».
Sapraŭdy, maładzion staŭ achviaraj afierystaŭ, jakija pad vyhladam zamieny ličylnikaŭ vypytali kod z SMS, a paśla patelefanavali ŭ miesiendžary i prystrašyli kryminalnaj spravaj.
Zapałochaŭšy pieratrusam i kanfiskacyjaj hrošaj, jany pierakanali jaho «zadekłaravać» siamiejny aščadak.
Chłopiec uziaŭ z domu bolš za 50 000 rubloŭ, skłaŭ u zaplečnik i schavaŭ u parku, dasłaŭšy kaardynaty surazmoŭcu.
Ale apieratyŭniki paśpieli adšukać maładoha čałavieka da taho, jak pasiarednik zabraŭ hatoŭku z tajnika. Hrošy buduć viernutyja baćkam.
Kamientary