Bojka na rasijskim TB: «Ukraincy chočuć žyć jak narmalnyja ludzi, a nie ŭ łajnie, jak vy» VIDEA
Vostryja zaŭvahi polskaha žurnalista daviali da bojki ŭdzielnikaŭ pieradačy na rasijskim kanale.
Apošniuju pieradaču «Prava hołasu» na rasijskim telekanale TVC źniali z efiru — rasijskija jaje ŭdzielniki pačali machać kułakami ŭ adkaz na repliki polskaha žurnalista Tamaša Maciejčuka, śviedčyć zapis pieradačy, vykładzieny ŭ interniet.
«Bili palaka za abrazu Rasii», — kaža kamientar na aficyjnym kanale TVC u YouTube.
Maciajčuk udzielničaŭ u pieradačy, pryśviečanaj treciaj hadavinie Majdanu, na baku pradstaŭnikoŭ Ukrainy. Amal usia pieradača składałasia z kpinaŭ rasijskaha boku nakont niezavieršanaści i niepaśpiachovaści ukrainskaj revalucyi 2013-2014 hadoŭ.
«Vy viedajecie, jaki ciapier siaredni zarobak u Rasii?» — prykładna na 23 chvilinie zapisu zadaŭ pytańnie Maciajčuk, na što nivodny rasijski ŭdzielnik nie zmoh adkazać.
«U Rumynii ciapier siaredni zarobak vyšejšy, čym u Rasii», — zaŭvažyŭ polski žurnalist.
Paraŭnańnie z Rumynijaj vidavočna aburyła apanientaŭ, jakija stali kryčać.
«Ukraincy taksama chočuć žyć, jak narmalnyja ludzi, a nie ŭ łajnie, jak vy», — zaklučyŭ palak.
Paśla hetaha rasijanie pahroźliva abstupili Maciejčuka, stali patrabavać, kab jon pakinuŭ prahramu, a potym pačali bojku.
Ciapier čytajuć
Hałoŭnaja redaktarka homielskaj rajonki pakajałasia za toje, što abvinavaciła hurt «Drazdy»7
Kamientary