Hałoŭnaja redaktarka homielskaj rajonki pakajałasia za toje, što abvinavaciła hurt «Drazdy»
«Drazdy» paciarpieli ni za što, u tym liku i praz moj materyjał, za što ja jašče raz prynošu im svaje prabačeńni», — kaža Viktoryja Futryna.
Hałoŭnaja redaktarka haziety Homielskaha rajvykankama «Majak» Viktoryja Futryna vybačyłasia za svaje chamskija vykazvańni ŭ adras hurta «Drazdy».
Raniej jana nazvała hurt «Drazdy» zdradnikami za toje, što «ŭ 2020‑m kalektyŭ staŭ pad BČB-ściah, a jak zapachła smažanym — adrazu pieraabuŭsia».
Heta aburyła vakalista Vitala Karpanava, jaki raźmiaściŭ na svaich staronkach u sacsietkach taki dopis: «Mnie dasłali rolik, dzie adno ź dziaržaŭnych ŚMI čarhovy raz nazvało hurt «Drazdy» zdradnikami… Tym časam na kancert hetych «zdradnikaŭ» [u Maładziečnie] siońnia pryjšło 2700 hledačoŭ! Kalehi, kali vy pierastaniecie žyć u paralelnaj realnaści? Pakul my čakajem aficyjnych vybačeńniaŭ ad hetaha ŚMI, pahladzicie, jak lubiać hetych chłopcaŭ prostyja biełarusy!»
Viktoryja Futryna. Fota: skrynšot instahrama
Ciapier Viktoryja Futryna pryniesła lidaru «Drazdoŭ» svaje prabačeńni «za paśpiešlivyja i niespraviadlivyja vysnovy», pryznaŭšy, što jaje słovy ŭ adras kalektyvu «akazalisia nie da kanca pravieranaj infarmacyjaj, pa sutnaści — chłuśnioj, i abrazili artystaŭ», a muzykanty «ni ŭ čym padobnym nie zamiešanyja».
«Vital Uładzimiravič, u pieršuju čarhu prynošu vam svaje prabačeńni za paśpiešlivyja i niespraviadlivyja vysnovy ŭ svaim materyjale. Ciapier taki čas: składana vyznačyć, chto siabar, a chto vorah, tamu haziecie davodzicca być zubastaj», — niervova apraŭdvałasia prapahandystka.
Ci daruje joj Karpanaŭ, pierapytała Futryna.
«Prabačajem. Ja absalutna niezłapamiatny čałaviek. My nie kryčym, nie kažam niejkich pafasnych pramoŭ, a prosta robim lubimuju spravu na karyść lubimaj krainy. I zrobim usio, kab dźvie našy rodnyja movy hučali i abjadnoŭvali ludziej. Usia kraina pavinna być razam u hetyja niaprostyja časy», — adkazaŭ Vital Karpanaŭ.
«Moj horki prykład dakazvaje: lepš niekalki razoŭ padumać, pierš čym kahości abvinavačvać. «Drazdy» paciarpieli ni za što, u tym liku i z-za majho materyjału, za što ja jašče raz prynošu im svaje prabačeńni. Spadziajusia, hetaje intervju nie tolki dapamoža adnavić ich reputacyju, ale i źmienić mierkavańnie kahości «načytanaha», jak ja, u tym liku i siarod pradstaŭnikoŭ inšych ŚMI», — padsumavała Futryna.
Viktoryja Futryna rodam z Rečycy. Skončyła škołu ŭ 2013 hodzie i pastupiła na jurydyčny fakultet HDU im. F Skaryny. Aktyvistka BRSM, u 2022 hodzie jana pryjšła ŭ homielskuju rajonnuju hazietu «Majak», a ŭ žniŭni 2023 hoda stała tam hałoŭnaj redaktarkaj.
Ciapier čytajuć
Ź psichbalnicy źbieh były načalnik Hancavickaj milicyi14
Ź psichbalnicy źbieh były načalnik Hancavickaj milicyi
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
heta jak? u jaho što - dźvie rodnyja mamy?
telefanuje nie słon
ale pierad im ścielucca mnohija
to byŭ namieśnik pa ideałohii
Drennyja jany kamiedyjanty, hetyja vykanaŭcy na miescach