U Drahičynskim rajonie pozna ŭviečary 12 lipienia adbyłasia avaryja sa śmiarotnym vynikam z udziełam lehkavoha aŭtamabila i zaprežanaha voza, piša UUS Bresckaha abłvykankama.
55‑hadovaja žycharka Drahičyna, jakaja jechała na aŭtamabili Buick pa darozie pamiž vioskaj Piarkovičy i Drahičynam, na 19‑m kiłamietry trasy ŭrezałasia ŭ voz, jaki ruchaŭsia ŭ tym ža kirunku. Za furmana byŭ 23‑hadovy miascovy žychar.
Ustanoŭlena, što voz nie byŭ abstalavany abaviazkovymi lichtarami: biełym śpieradu i čyrvonym zzadu.
U vyniku sutyknieńnia furman zahinuŭ na miescy zdareńnia. Jaho 16‑hadovy pasažyr atrymaŭ traŭmy i byŭ špitalizavany. Pa fakcie avaryi zaviali kryminalnuju spravu.
Dziaržaŭtainśpiekcyja nahadvaje, što ŭ ciomny čas sutak hužavy transpart pavinien być abaviazkova abstalavany śvietłavymi pryborami, a furmanu i pasažyram rekamiendujecca vykarystoŭvać śviatłoadbivalnyja kamizelki. Heta dazvalaje kiroŭcam svoječasova zaŭvažyć voz i źnizić ryzyku ciažkich darožna-transpartnych zdareńniaŭ.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja16
Kamientary