MKAD i praśpiekt Niezaležnaści ŭ Minsku całkam pieraviaduć na śviatłodyjody
Da kanca 2026 hoda Minskuju kalcavuju aŭtamabilnuju darohu i praśpiekt Niezaležnaści ŭ Minsku całkam pieraviaduć na śviatłodyjodnaje aśviatleńnie, paviedamiŭ dyrektar UP «Minharśviatło» Alaksandr Varabcoŭ.
Jak paviedamili ŭ pradpryjemstvie «Minharśviatło», sioleta płanujecca zamianić bolš za 11 tysiač hazarazradnych śviacilniaŭ na sučasnyja śviatłodyjodnyja. Čakajecca, što heta dazvolić skaracić spažyvańnie elektraenierhii na vuličnaje aśviatleńnie da 40 pracentaŭ.
Usiaho da 2030 hoda ŭ Minsku płanujuć zamianić kala 70 tysiač vuličnych śviacilniaŭ.
Akramia taho, u horadzie praciahnuć raźvivać architekturnaje aśviatleńnie. Prajektnaja dakumientacyja rychtujecca dla 30 abjektaŭ, u tym liku budynkaŭ kala MKAD, Druhoha transpartnaha kalca i ŭzdoŭž treciaj linii mietro.
Taksama novaje dekaratyŭnaje aśviatleńnie źjavicca na vulicach Arłoŭskaj i Mirašničenki, płoščy Stary aeraport, a taksama kala ŭvachodaŭ u park 900‑hodździa Minska, Alaksandraŭski skvier, Łošycki park i inšyja haradskija abjekty. Častku hetych rabot užo vykanali, astatnija płanujuć zaviaršyć da kanca hoda.
Kamientary