Kiraŭnik Rymskaj katalickaj carkvy Francysk zaklikaŭ nie śpiašacca z vysnovami z nahody abrańnia Donalda Trampa.
«Ja liču, što my pavinny pačakać i pahladzieć. Ja nie chacieŭ by śpiašacca i sudzić ludziej zaŭčasna. My pavinny pahladzieć, jak jon dziejničaje, što jon robić. Tady ja sfarmiruju pra jaho mierkavańnie», — zajaviŭ Papa Rymski ŭ intervju ispanskaj haziecie El Pais.
Na jaho dumku, nie varta zahadzia bajacca ci, naadvarot, radavacca z nahody čakańniaŭ ad ustupleńnia Tramp na pasadu prezidenta ZŠA.
Pantyfik taksama pieraściaroh jeŭrapiejcaŭ ad papulizmu ŭ palitycy, nahadaŭšy pra pamyłki, jakija byli zroblenyja ŭ 1930-ch hadach, kali ludzi šukali «vyratavalnika», jaki dazvolić ekanamičnyja i palityčnyja prablemy.
«Hitler nie skraŭ ŭładu, jaje addaŭ jamu ułasny narod, jaki jon potym źniščyŭ», — skazaŭ Francišak.
U lutym minułaha hoda padčas pieradvybarnaj kampanii ŭ ZŠA papa rymski adznačaŭ, što Trampa naŭrad ci možna nazvać chryścijaninam.
«Čałaviek, jaki tolki i dumaje, jak pabudavać ścieny, zamiest taho kab ŭzvodzić masty, nie moža być chryścijaninam», — kazaŭ Francysk.
Ciapier čytajuć
Palitołah Alina Charysava pahadziłasia supracoŭničać z SBU. Akazałasia, heta było KDB36
Kamientary