Kolkaść pakaranych za ŭdzieł u mirnych schodach pratestu dasiahnuła 204 čałaviek za 15 dzion sakavika
Kolkaść zatrymanych ci aštrafavanych za ŭdzieł u mirnych schodach pratestu dasiahnuła 204 čałaviek za 15 dzion sakavika. Pravaabaroncy viaduć śpis anłajn TUT. Niekatorych adarvali ad pracy, vučoby na 13—15 dzion.
Siońnia adkryŭsia novy kirunak cisku: karajuć ŚMI za paviedamleńnie ab prateście. Partał Tut.baj atrymaŭ papiaredžańnie nibyta za artykuł pra Ukrainu. Ale vy ž razumiejecie… A redaktarku sajta Kraj.by buduć sudzić za abviestku pra akcyju «niedarmajedaŭ» u Maładziečnie.
Skazała, jak źviazała karespandentu «Našaj Nivy» žančyna hadoŭ 55 u Pinsku: «Vo sistemu pabudavali: i bjuć, i płakać nie dajuć».
Tak za dva tydni viarnuli krainie imidž saŭkovaha zapaviednika i dyktatury ŭ centry Jeŭropy, kudy i zajazdžać strašna. Kab ža vy tak pracavać umieli, jak vy ŭmiejecie ludziej chapać.
Nahadajem, što spuskavym kručkom dla masavych pratestaŭ stała pryniaćcie Dekreta ab darmajedstvie. Ale hłybinnaja pryčyna zaklučajecca ŭ ekanamičnym adstavańni Biełarusi ad susiednich krain Centralnaj Jeŭropy. VUP skaraciŭsia na 6,6% za dva apošnija hady, i praciahvaje padać sioleta, a realnyja dachody ludziej upali na 7% za minuły hod. U rehijonach ludziam niama raboty, mnohija siemji vyžyvajuć tolki za košt vyjezdu mužčyn na zarobki ŭ Rasiju.
* * *
Artykuł 35 Kanstytucyi Biełarusi: «Svaboda schodaŭ, mitynhaŭ, vuličnych šeściaŭ, demanstracyj i pikietavańnia, jakija nie parušajuć pravaparadak i pravy inšych hramadzian Respubliki Biełaruś, harantujecca dziaržavaj».
Ciapier čytajuć
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary