U Taljaci pamior stvaralnik VAZ 2121 «Niva» Piatro Prusaŭ. Raźvitańnie ź im adbudziecca 21 sakavika ŭ Spasa-Praabraženskim sabory Taljaci, kanstruktara pachavajuć na haradskich mohiłkach. Prusavu było 75 hadoŭ.
«Piatro Michajłavič byŭ vialikim čałaviekam, stvaralnikam pieršaha ŭ śviecie ŭsiedarožnika z apornym kuzavam — lehiendarnaj VAZ 2121 «Niva», jakaja siońnia nosić imia LADA 4x4 i zastajecca vielmi papularnaj u Rasii i za miažoj», — zajaviŭ prezident «AŭtaVAZa» Nikala Mor.
***
Piatro Michajłavič Prusaŭ naradziŭsia ŭ vioscy Zubki Loźnienskaha rajona Viciebskaj vobłaści ŭ 1942 h. Paśla zakančeńnia Zaparožskaha mašynabudaŭničaha instytuta ŭ 1970 h. pryjšoŭ na Vołžski aŭtamabilny zavod u Taljaci, dzie pačaŭ svaju pracoŭnuju dziejnaść inžynieram-kanstruktaram, a ŭžo ŭ 1972 hodzie byŭ pryznačany viadučym kanstruktaram prajekta VAZ-2121 «Niva».
Mašyna pajšła ŭ sieryju 5 krasavika 1977 hoda, usiaho było vypuščana bolš za dva z pałovaj miljonaŭ usiedarožnikaŭ.
Prusaŭ raspaviadaŭ, što nazva «Niva» składziena pa pieršych litarach imionaŭ dziaciej — jaho i hałoŭnaha kanstruktara VAZa Uładzimira Sałaŭjova.
Kamientary