U Kanhres ZŠA ŭnieśli zakonaprajekt, kab zabłakavać pahadnieńnie adnosna rasijskaha dyzielnaha paliva
Siarod suaŭtaraŭ dakumienta nazvanyja 17 členaŭ Pałaty pradstaŭnikoŭ.
Člen Kamiteta zamiežnych spraŭ Pałaty pradstaŭnikoŭ ZŠA, demakrat Hrehary Miks, pradstaviŭ dvuchpartyjny zakonaprajekt, meta jakoha — zabłakavać pahadnieńnie pamiž ZŠA i Rasijaj nakont dyzielnaha paliva, piša «Ukrainskaja praŭda».
Zakonaprajekt zabaraniaje Amierykanskaj karparacyi mižnarodnaha raźvićcia inviestavać u rasijskuju enierhietyku; anuluje hienieralnyja licenzii, vydadzienyja Upraŭleńniem kantrolu za zamiežnymi aktyvami Ministerstva finansaŭ ZŠA, i zabaraniaje vydaču takich licenzij u budučyni. Akramia taho, jon abaviazvaje administracyju prezidenta ZŠA Donalda Trampa ŭvieści sankcyi suprać rasijskaha enierhietyčnaha siektara.
«Hetaje pahadnieńnie nie źnizić vydatki dla amierykanskaha naroda, jaki i biez taho ŭžo płacić za niaŭdałuju vajnu, jakuju Tramp vyrašyŭ pačać u Iranie. Jano pryniasie Pucinu miljony dalaraŭ, kab toj moh biespakarana praciahvać zabivać ukrainskich mirnych žycharoŭ», — skazaŭ Hrehary Miks.
«U toj čas, kali Złučanyja Štaty pavinny byli b uzmacniać cisk na Kreml, Donald Tramp zalacajecca da Pucina i zaklučaje pahadnieńni dziela ŭłasnaha ŭzbahačeńnia zamiest taho, kab padtrymlivać Ukrainu. Heta supiarečyć usiamu, što baroniać Złučanyja Štaty. Kanhres musić dziejničać. Kožny člen Kanhresa, jaki zajaŭlaje, što aburany hetym, pavinien dałučycca da pryniaćcia hetaha zakonaprajekta», — zajaviŭ jon.
Kamientary