Cikavy fakt: u pieršym tury prezidenckich vybaraŭ siarod francuzaŭ, što žyvuć za miažoj, Maryna Lo Pen pieramahła tolki ŭ adnoj krainie. I hetaja kraina — Biełaruś.
U našaj krainie za Lo Pen prahałasavali 27,4% vybarcaŭ, tady jak za Makrona — 22,6%.
Vysoki vynik kandydatka Nacyjanalnaha frontu atrymała taksama ŭ Turkmienistanie, ale tam jana apynułasia na druhim miescy paśla Makrona, i ŭ Džybuci, dzie vialikuju dolu vybarcaŭ składajuć vajskoŭcy z vajskovaj bazy. U Rasii Lo Pen pieramahła ŭ Jekaciarynburhu, ale mocna adstała ŭ Maskvie i Pieciarburhu. Francuzy Minska, takim čynam, hałasavali prykładna tak, jak francuzy rasijskaj pravincyi.
Ciažka skazać, ci tłumačycca heta ŭpłyvam padkantrolnych dyktataram ŚMI, jakija malujuć stanovišča ŭ Jeŭrasajuzie katastrafičnym.
U toj ža čas ahułam siarod francuzaŭ zamiežža Lo Pen zusim nie papularnaja. Jana atrymała na zamiežnych učastkach usiaho 6,5% hałasoŭ proci 40,4% u Makrona.
Imavierna, bolšaść hramadzian Francyi ŭ Biełarusi — heta nie patomnyja francuzy, a byłyja hramadzianie Biełarusi, što atrymali francuzskaje hramadzianstva, ale ŭ siłu tych ci inšych pryčyn viarnulisia na žycharstva na baćkaŭščynu.
Usiaho na konsulskim učastku Francyi ŭ Biełarusi zarehistravana 103 vybarcy. Ź ich hałasavali 62.
U Minsku, nahadajem, pracuje pasolstva Francyi, a ŭ Breście — konsulstva.
Jak hałasavali francuzy zamiežža ŭ druhim tury, stanie viadoma zaŭtra.
Nahadajem, što na prezidenckich vybarach u Francyi z 66% hałasoŭ pieramahaje libierał Emaniuel Makron. Maskva ž na hetych vybarach padtrymlivała Lo Pen u raźliku razvalić Jeŭrasajuz i NATA znutry z dapamohaj antyjeŭrapiejskich radykałaŭ.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič18
Kamientary