Kazulu zabrali na lačeńnie, jaka adsialili ŭ asobny valjer. Što źmianiłasia ŭ «Dukorskim majontku» paśla skandału
U kompleks nakiravalisia šmatlikija pravierki, u tym liku ad Ministerstva pryrody i abłasnoj vietsłužby.
Historyja pra žachlivy stan žyvioł u turystyčnym kompleksie «Dukorski majontak» vyklikała vializny rezanans u sacyjalnych sietkach. Videarolik, jaki źniała minčanka Taćciana Dubroŭskaja pad nazvaj «Heta kancłahier», usiaho za sutki nabraŭ bolš za miljon prahladaŭ.
Ludzi byli šakavanyja stanam hadavancaŭ: niezahojnaja hnojnaja rana ŭ jaka, jakuju ablapiła maškara, kulhavaja kazula.
Kiraŭnictva etnaparka patłumačyła traŭmy pryrodnymi pryčynami (maŭlaŭ, jak naradziŭsia z takoj ranaj, ničoha nie zrobiš, a kazula atrymała raściažeńnie), nie pierakanała hramadskaść.
U vyniku ŭ kompleks nakiravalisia šmatlikija pravierki, u tym liku ad Ministerstva pryrody i abłasnoj vietsłužby.
Hałoŭny vieterynar Minskaj vobłaści Aleh Karpovič paviedamiŭ STB, što chvoruju kazulu zabrali na stacyjanarnaje lačeńnie ŭ Puchavickuju rajonnuju vietstancyju.
Trochhadovaha jaka pieraviali ŭ asobny valjer, jaho zahnojenuju ranu narešcie apracavali, i ciapier jaho zdaroŭju ničoha nie pahražaje.
Padčas inśpiekcyi vyśvietliŭsia važny čyńnik zapuščanaha stanu hadavancaŭ: u «Dukorskim majontku», dzie ŭtrymlivajucca dziasiatki žyvioł, nie było štatnaha vieterynarnaha doktara.
Ciapier, havorycca ŭ siužecie STB, uvodzicca pasada miedyka: najbližejšym časam tut taki źjavicca štatny vieterynar dla štodzionnaha nahladu za žyviołami.
Ale pravierki kompleksu praciahvajucca.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki19
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary