Chviča Kvaracchielija admoviŭsia adkazvać pa-rusku paśla finału Lihi čempijonaŭ
Chviča byŭ pryznany najlepšym hulcom Lihi čempijonaŭ pa vynikach siezona 2025/2026.
Hruzinski forvard «PSŽ» Chviča Kvaracchielija paśla finału Lihi čempijonaŭ UEFA 2025/26, u jakim francuzski kłub u sieryi pienalci pieramoh łondanski «Arsienał», nie staŭ razmaŭlać pa-rusku z žurnalistam u źmiašanaj zonie, piša Championat.com.
U siecivie źjaviłasia videa, na jakim padčas pres-padychodu da Kvaracchielii da jaho źviarnulisia pa-rusku, ale toj admoviŭsia praciahvać razmovu.
— Chviča, možna pa-rusku: jakija ŭ ciabie emocyi byli? Usio ž taki…
— No, I can't speak, sorry («Nie, ja nie mahu havaryć, prabačcie»), — adkazaŭ Kvaracchielija pa-anhlijsku i praciahnuŭ adkazvać na pytańni hruzinskich žurnalistaŭ na svajoj rodnaj movie.
Chviča Kvaracchielija byŭ pryznany najlepšym hulcom Lihi čempijonaŭ pa vynikach siezona 2025/2026. U minułym rozyhryšy turniru jon pravioŭ za kłub 16 matčaŭ, u jakich zabiŭ 10 hałoŭ i addaŭ šeść vynikovych pieradač. Heta druhi trafiej Lihi čempijonaŭ zapar u karjery hruzinskaha futbalista.
Raniej futbalist vystupaŭ za maskoŭski «Łakamatyŭ» i kazanski «Rubin» z 2019 pa 2022 hod, ale paśla ŭvarvańnia va Ukrainu pakinuŭ Rasiju i viarnuŭsia ŭ Hruziju, hulaŭ pałovu hoda za batumski «Dynama».
Uletku 2022 hoda pierajšoŭ u italjanski «Napali», ź jakim vyjhraŭ čempijanat Italii i ŭ siezonie 2022/2023 byŭ pryznany najlepšym hulcom Sieryi A, u studzieni 2024 hoda pierajšoŭ u PSŽ, ź jakim vyjhraŭ dva čempijanaty Francyi i dźvie Lihi čempijonaŭ.
Ciapier čytajuć
Novy pasoł Ukrainy pa pytańniach Biełarusi: «Pryznajom Cichanoŭskuju lidaram. A ŭ Łukašenki niama manapolii na hołas naroda»56
Kamientary