Budanaŭ sumniajecca, što Cichanoŭskaja zmoža spynić pravakacyi Łukašenki
«My pavinny być mocnymi i hatovymi da ŭsiaho, tady ni ŭ koha nie budzie ŭźnikać durnych dumak».
Kiraŭnik Ofisa prezidenta Ukrainy Kirył Budanaŭ ličyć, što lidarka biełaruskaha demakratyčnaha ruchu Śviatłana Cichanoŭskaja «navat tearetyčna» nie zmoža spravicca z zadačaj praduchileńnia pravakacyj z terytoryi Biełarusi. Pra heta jon zajaviŭ padčas vystupleńnia na forumie Architektura biaśpieki, piša Reform.news.
«My pavinny być mocnymi i hatovymi da ŭsiaho, tady ni ŭ koha nie budzie ŭźnikać durnych dumak. Ci patrebnaja nam čyjaści dapamoha, kab vyklučyć samu mahčymaść jakich-niebudź pravakacyj? Heta nikoli nie byvaje lišnim. Ci zmoža spadarynia Cichanoŭskaja spravicca z hetaj zadačaj? Vykažu vyklučna subjektyŭnaje mierkavańnie: nie, nie zmoža, navat tearetyčna. Ale jašče raz paŭtaru svoj pieršy tezis: my pavinny być mocnymi — i tady ŭsio budzie narmalna, z nami buduć ličycca, i nichto nie stanie rabić hłupstvaŭ», — skazaŭ Budanaŭ.
Jon vykazaŭ nadzieju, što Ukraina zmoža zrabić pravilnyja kroki dla taho, kab «vyklučyć samu ideju» paŭtornaha vykarystańnia terytoryi Biełarusi dla ŭzbrojenaj ahresii suprać Ukrainy.
Budanaŭ taksama padkreśliŭ, što hałoŭnaj harantyjaj biaśpieki jon ličyć ułasnuju siłu i hatoŭnaść Ukrainy da lubych pahroz, a nie źniešnija faktary.
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
[Zredahavana]