Alaksandr Łukašenka siońnia na naradzie ab stratehii raźvićcia biełaruskaj naftapierapracoŭki raspavioŭ pra pastaŭlenyja pierad niadaŭna pryznačanym pamočnikam prezidenta Alaksandram Kosincam zadačy.
«U nas mnohija prajekty madernizacyi pradpryjemstvaŭ pravalenyja. I ja ŭžo premjeru i kiraŭniku Administracyi prezidenta kazaŭ, kab u bližejšy čas hetyja prajekty byli praanalizavanyja, i mnie było paviedamlena, — skazaŭ kiraŭnik dziaržavy. — Hetym zojmiecca Kosiniec. Jamu daručany hetyja prajekty. Sabrać śpiecyjalistaŭ pa ŭsich kirunkach. Natalla Ivanaŭna (kiraŭnik Administracyi prezidenta Natalla Kačanava), vy pavinny zabiaśpiečyć jamu niepasrednuju padtrymku. Usio heta pavinna być abjektyŭna praanalizavana i pakładziena mnie na stoł».
«Ciarpieć takoje stanovišča z madernizacyjaj, jakuju my płanavali zaviaršyć u vyznačanyja terminy, ja nie maje namieru. Ja nie dazvolu, kab rašeńni prezidenta byli devalvavanyja, dezavujavanyja i nie byli vykananyja. Hetaha być nie moža. Heta datyčyć usiaho, pačynajučy ad Oršy i zakančvajučy ciapierašniaj razmovaj. Mnie patrebien abjektyŭny analiz i dakład», — padkreśliŭ prezident.
Nahadajem, siońnia byŭ apublikavany ŭkaz, u jakim byli vyznačany zadačy pamočnika prezidenta — Alaksandr Kosiniec budzie zajmacca stratehičnymi prajektami.
-
«Santa Bremar» choča adsudzić pravy na brend u viadomaha rasijskaha vytvorcy, jakoha pryznali ekstremisckim za padtrymku USU
-
Amierykanskamu ŭłaśniku parku «Suła», vychadcu ź Biełarusi, pradali budynki byłoha jaŭrejskaha hieta ŭ Navahrudku
-
Hubiernatar Prymorskaha kraju RF raskazaŭ, što tam z budaŭnictvam biełaruskaha porta
Ciapier čytajuć
Kab nie płacić padatak na sabak, minčuki pačali zdavać ich u punkty adłovu17
Kamientary