U vypadku ŭchvaleńnia zakonaprajekta bundesratam pradstaŭniki seks-mienšaściaŭ atrymajuć mahčymaść zaklučać šluby. Jany buduć mieć tyja ž pravy, što i ludzi, jakija znachodziacca ŭ tradycyjnych šlubach, paviedamlaje DW.
Parłamient Hiermanii ŭ piatnicu, 30 červienia, bolšaściu hałasoŭ uchvaliŭ zakonaprajekt, jaki praduhledžvaje poŭnaje i raŭnapraŭnaje pryznańnie adnapołych šlubaŭ. Za prahałasavali 393 deputaty, suprać — 226, čaćviora parłamientaryjaŭ strymalisia.
Błok partyj Chryścijanska-demakratyčny sajuz i Chryścijanska-sacyjalny sajuz (CHDS/CHSS), pradstaŭniki jakoha składajuć bolšaść u kirujučaj kaalicyi, tradycyjna vystupiŭ suprać pryznańnia adnapołych šlubaŭ. Adnak 26 červienia fiederalny kancler Hiermanii, staršynia CHDS Anhieła Mierkiel (Angela Merkel) zajaviła, što vystupaje za toje, kab pry mahčymym u budučyni hałasavańni ab dazvole šlubaŭ dla adnapołych par usie deputaty prymali rašeńnie samastojna, «pa sumleńni», a nie kirujučysia ahulnapartyjnaha pazicyjaj i vykonvajučy frakcyjnuju dyscyplinu.
Mierkiel hałasavała suprać «šlubu dla ŭsich»
«Dla mianie šlub, pavodle Asnoŭnaha zakona, heta sajuz mužčyny i žančyny, — patłumačyła svaju pazicyju paśla hałasavańnia kancler. — I tamu siońnia ja nie hałasavała za hety zakonaprajekt».
U toj ža čas Mierkiel vykazała nadzieju, što «siońniašniaje rašeńnie bundestaha dadaść čaścinku miru i sacyjalnaha adzinstva» ŭ žyćcio niamieckaha hramadstva.
Da 1969 hoda homaseksualnyja suviazi ŭ Hiermanii kryminalna pieraśledavalisia. Adnapołyja sajuzy rehistrujuć u Hiermanii z 2001 hoda. Svaje adnosiny da 2017 hoda aficyjna aformili 34 tysiačy homaseksualnych par. Adnak da ciapierašniaha času homaseksualnyja pary mahli zarehistravać svaje adnosiny tolki ŭ formie adnapołych partniorstvaŭ. Takija sajuzy vałodali mienšymi pravami, čym hieteraseksualnyja šluby. U pryvatnaści, jany nie karystalisia lhotami pry padatkaabkładańni, praduhledžanymi ŭ Hiermanii dla asob, jakija znachodziacca ŭ šlubie, nie mahli usynaŭlać dziaciej.
Pa dadzienych sacapytańniaŭ, bolšaść žycharoŭ Niamieččyny padtrymlivaje adnapołyja šluby.
Drukujecca ŭ miežach śpiecyjalnaj rubryki «Naviny Hiermanii»
Ciapier čytajuć
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary