Z 22 pa 30 lipienia ŭ Drui, što na Brasłaŭščynie, u klaštary pry parafii Śviatoj Trojcy projdzie treci mižnarodny mastacki plener.
U plenery voźmuć udzieł sorak prafiesijnych mastakoŭ ź Biełarusi i zamiežža.
Asnoŭnaja meta pleneru ŭ staražytnych murach — dyjałoh relihii i mastactva, budaŭnictva pierśpiektyvaŭ mastoŭ, pošuk ahulnaj hamy, detalizacyja adcieńniaŭ suhučča i sumoŭja.
2017 hod źjaŭlajecca asablivym. Roŭna 500 hod tamu biełarusy atrymali pieršuju drukavanuju knihu. Heta nie byŭ pierakład fiłasofskich vučeńniaŭ Arystatela ci miedyčnych traktataŭ Ischaka ibn Chunajna. Heta była kniha, što złučyła ŭ sabie i spradviečnuju mudraść, i acaleńnie razam — Biblija!
Sioletni letni Drujski mastacki plener nie moža nie pieratvarycca ŭ SKARYNER, nie ŭźniać temu važnaj padziei i honaru dla našaj nacyi — pierakładu Biblii Franciškam Skarynam.
30-ha lipienia adbudziecca vystava mastackich pracaŭ pa vyniku pleneru. Na viernisaž, što raspačniecca a 10.00 u budynku pabiernardzinskaha klaštaru, budzie doŭžycca na praciahu adnaho dnia, zaprašajucca ŭsie achvotnyja.
Druja znachodzicca ŭ pamiežnaj zonie, usim jaje haściam, hramadzianam RB nieabchodna mieć pry sabie pašpart pry ŭjeździe.
Ciapier čytajuć
Łukašenka zajaviŭ pra hatoŭnaść pryjechać u Kijeŭ71
Kamientary