Vyjaŭleny ŭ Kienii ceły čerap małpy moža raskryć tajamnicu, jak vyhladaŭ ahulny prodak małpaŭ i ludziej, paviedamlajecca ŭ časopisie Nature.
Navukoŭcy z Univiersiteta Stohn Bruk vyvučyli pareštki vykapniovaj małpy Alezi, jakuju vyjaviŭ ŭ 2014 hodzie kienijski palaŭničy Džon Ekusi na zachad ad voziera Turkana ŭ paŭnočnaj častcy Kienii. Prymat žyŭ u lesie, jaki, jak miarkujuć navukoŭcy, źniščyła vyviaržeńnie vułkana.
Zakamianiełaść ujaŭlaje saboj čerap pamieram ź limon, jaki naležyć dziciaci małpy, što žyło 13 miljonaŭ hadoŭ tamu.
Kab razhledzieć znachodku, kamanda daśledčykaŭ vykarystała adčuvalnuju formu 3D-renthienahrafii. U vyniku jany atrymali malunki čerapa, unutranaha vucha i zarodkaŭ karennych zuboŭ. Jakaść zdymkaŭ dazvoliła vyznačyć i ŭzrost dziciaci — prymatu na momant hibieli było kala adnaho hoda i čatyroch miesiacaŭ.
Zuby małpy naviali navukoŭcaŭ na dumku, što prymat naležaŭ da novaha vidu, Nyanzapithecus alesi.
Žyvioły hetaha vidu byli častkaj hrupy prymataŭ, jakija žyli ŭ Afrycy bolš za dziesiać miljonaŭ hadoŭ tamu. Raniej znachodki hetaha vidu byli pradstaŭleny tolki zubami, tamu navukoŭcy navat nie byli ŭpeŭnienyja, ci była žyvioła małpaj. Čerap nahadvaje hałavu dzicianiaci hibona, ale daśledčyki dakazali, što hetaja forma čerapa sustrakałasia i ŭ inšych staražytnych małpaŭ.
-
Rasijskaja ahientura vykarystała niejrasietku Claude dla kradziažu i dla ŭpłyvu na vybary
-
Navukoŭcy znajšli šeść zahadkavych struktur hłyboka ŭ nietrach Ziamli
-
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu
Ciapier čytajuć
Chto z palitviaźniaŭ vyjšaŭ na svabodu 16 vieraśnia POŬNY ŚPIS12
Kamientary