Na vybarach u Čechii pieramahła partyja miljardera Andreja Babiša ANO («Akcyja niezadavolenych hramadzian»).
Za jaje prahałasavała 30% hramadzian.
Druhoje miesca zaniała pravacentrysckaja, kansiervatyŭnaja Hramadzianskaja demakratyčnaja partyja, ale jana sabrała tolki 11%.
Źviartaje ŭvahu, što amal stolki ž atrymała prykolnaja Partyja pirataŭ i ultrapravaja «Svaboda i pramaja demakratyja» na čale jakoj staić češski japoniec Tomia Akamura.
U parlament prajšła rekordnaja kolkaść partyj — dzieviać.
Zusim mała hałasoŭ sabrali tradycyjnyja partyi. Sacyjał-demakraty atrymali tolki 7%, kamunisty — tolki 8%, a libierały z Top-09 — 5%.
Sama fihura Babiša vyklikaje krytyku mnohich čechaŭ jak na pravym, tak i na libieralnym fłanhach. Jany abvinavačvajuć Babiša ŭ papuliźmie i imknieńni skancentravać uładu ŭ adnych rukach. Akramia taho, suprać jaho niadaŭna była raspačataja kryminalnaja sprava pa abvinavačvańni ŭ finansavych machinacyjach.
ANO Babiša udzielničała i ŭ papiarednim uradzie, ale ŭ jakaści mienšaha partniora. Vialikich źmien u palitycy Čechii nie čakajecca.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič18
Kamientary