Ukrainca Šarojku buduć sudzić za špijanaž, biełarusa — za zdradu dziaržavie
20 listapada KDB pravioŭ ekstranny bryfinh, pryśviečany zatrymańniu ŭkrainskaha žurnalista Paŭła Šarojki, jakoha padazrajuć u špijanažy.
Nahadajem, što karespandent «Ukrainskaha radyjo» ŭ Biełarusi Pavieł Šarojka źnik u Minsku. Jaho siamja i kalehi zajavili, što Šarojku zatrymali 25 kastryčnika, ale jany nie ahučvali heta spadziajučysia, što dypłamatyčnyja vysiłki pa vyzvaleńni daduć plon. Ukrainski konsuł, jakoha puścili da žurnalista, paviedamlaŭ, što Šarojka znachodzicca ŭ SIZA KDB — jaho vinavaciać u špijanažy, jon pad śledstvam.
I voś, narešcie zatrymańnie Paŭła Šarojki prakamientavaŭ biełaruski Kamitet dziaržbiaśpieki.
«Kadravy supracoŭnik vajskovaj raźviedki Ukrainy Pavieł Šarojka byŭ zatrymany 25 kastryčnika. Pasada karespandenta radyjo była prykryćciom. U Biełarusi Šarojka stvaryŭ ahienturnuju sietku ź biełaruskich hramadzianaŭ, jakija za hrošy źbirali infarmacyju z vajskova-palityčnaj śfiery na karyść Ukrainy», — paviedamiŭ žurnalistam Dźmitryj Pabiaržyn, aficyjny pradstaŭnik KDB.
Na Šarojku zaviali spravu — jaho vinavaciać u špijanažy, paćvierdziŭ Pabiaržyn. Pa jaho słovach, sam Šarojka ŭžo pryznaŭ, što jon kadravy supracoŭnik ukrainskaj raźviedki i maje zvańnie pałkoŭnika. Pry vobšuku ŭ jaho znajšli kopii daniasieńniaŭ u centr.
Kuryravaŭ dziejnaść Šarojki ŭ Biełarusi Ihar Skvarcoŭ — pa viersii KDB, štatny supracoŭnik ukrainskaj raźviedki, jaki pad prykryćciom pracavaŭ daradcam ukrainskaha pasolstva. Skvarcoŭ užo abjaŭleny piersonaj non-hrata.
Akramia taho byŭ zatrymany i hramadzianin Biełarusi, paviedamiŭ Pabiaržyn. Biełarus špijoniŭ na karyść Ukrainy, jon užo pryznaŭ, što «źbiraŭ i pieradavaŭ infarmacyju pra abaronazdolnaść Respubliki Biełaruś». U dačynieńni da biełarusa zaviali spravu ab zdradzie dziaržavie, što pahražaje źniavoleńniem ad siami da 15 hadoŭ.
-
«Ja chaču raźviejać mif, što ja vielmi mocny čałaviek, prosta tank, bo mnohija viedajuć mianie z 2020-ha». Razmova z Halinaj Kazimiroŭskaj ab pieramozie nad ciažkim dyjahnazam
-
Hramadzianina Čechii, jaki pryjechaŭ da chvoraj maci ŭ Biełaruś, asudzili na šeść hadoŭ
-
Unikalny teleskop viarnuli na vierchniuju placoŭku absiervatoryi Minskaha płanietaryja
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek3
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary