Na prezientacyju knihi Sieviarynca ŭ rodnaj vioscy Adama Stankieviča sabrałasia 7 z 9 žycharoŭ FOTA
«U rodnaj vioscy Adama Stankieviča ź dzieviaci žycharoŭ na prezientacyi [knih pra Biełaruskuju chryścijanskuju demakratyju i ramana Paŭła Sieviarynca «Biełarusalim»] prysutničała siamiora (jašče adna žančyna i mienskija hości za kadram)», — napisaŭ u svaim fejsbuku palityk i piśmieńnik.
Havorka pra viosku Arlaniaty Smarhonskaha rajona. Jašče ŭ 1999 hodzie tut žyŭ 51 čałaviek, na siońnia zastałosia tolki 9. Z Arlaniat pachodzić cełaja plejada dziejačoŭ kultury: akramia Adama Stankievič, jašče movaznaviec Jan Stankievič, vydaviec Staś Stankievič.
Adam Stankievič byŭ zasnavalnikam partyi Biełaruskaja chryścijanskaja demakratyja, jaho zakatavali ŭ savieckim kancłahiery ŭ Tajšecie.
Na vychadnych prezientacyja knih prajšła taksama ŭ vioskach Karandy i Žodziški Smarhonskaha rajona, dy ŭ Ašmianie.
Na minułym tydni Sieviaryniec pabyvaŭ na Viciebščynie.
Nastupnyja prezientacyi adbuducca:
Orša — 7 śniežnia,
Vilnia — 9 śniežnia,
Połack — 12 śniežnia,
Rahačoŭ, Žłobin, Homiel — 16 śniežnia,
Rečyca, Mazyr, Śvietłahorsk — 17 śniežnia.
U Miensku «Biełarusalim» možna nabyć u kniharni «Akademkniha» (pr. Niezaležnaści, 72), kramie «Symbal.baj» (Mašerava, 18). Raman jość taksama na knižnych vystavach u siadzibach BNF (Čarnyšeŭskaha, 3) i TBM (Rumiancava, 13).
Elektronnuju knihu možna kupić na sajcie Kniharnia.by.
Kamientary