Kamisarka pa zamiežnych suviaziach i eŭrapiejskaj palitycy dobrasusiedstva, Benita Ferery-Valdner, zrabiła zajavu ab vybarach u Biełarusi.
Kamisarka pa zamiežnych suviaziach i eŭrapiejskaj palitycy dobrasusiedstva, Benita Ferery-Valdner, zrabiła zajavu ab vybarach u Biełarusi. Zajava była raspaŭsiudžana Delehacyjaj Eŭrakamisii ŭ Biełarusi, u tym liku i na biełaruskaj movie:«U apošnija miesiacy my ŭbačyli i pryvitali niekatoryja pazityŭnyja zruchi ŭ Biełarusi, u tym liku vyzvaleńnie ŭsich palityčnych źniavolenych i zaprašeńnie ABSIE/BDIPČ da nazirańnia za parłamienckimi vybarami 28 vieraśnia.
Ja ŭziała da ŭvahi papiarednija vysnovy Misii pa nazirańni za vybarami (MNV) ABSIE/BDIPČ, jakija ŭtrymlivajuć jak pazityŭnyja indykatary, tak i niekatoryja niehatyŭnyja elemienty.
Vielmi važna, kab MNV byŭ dazvoleny poŭny dostup da dalejšych stadyjaŭ vybarčaha pracesu, i my budziem ŭvažliva vyvučać Vynikovy dakład MNV.
Ja zaklikaju ŭrad Biełarusi ŭstupić u dyjałoh z ABSIE/BDIPČ nakont taho, jakim čynam ažyćciavić ich rekamiendacyi.
Zaraz dla ES važna padumać, jak nam najlepš raźvivać adnosiny ź Biełaruśsiu, jaje ŭradam i jaje narodam. Hetaje raźvićcio adnosinaŭ pavinna ŭklučać šlachi ŭmacavańnia pavahi da demakratyčnych pryncypaŭ, viaršenstva prava i pravoŭ čałavieka ŭ adpaviednaści ź mižnarodnymi abaviazalnictvami Biełarusi».
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
-
Nasta Rahatko: Usich, chto suprać udziełu biełarusaŭ u iventach rasijan, ja čakaju ŭbačyć na kirmašach polskich, brytanskich, ispanskich
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary