Dvuch byłych ministraŭ abarony Kitaja pryhavaryli da śmierci. Pierad samym aryštam adnaho ź ich raschvalvaŭ Łukašenka
Byłych ministraŭ abarony Kitaja Vej Fenche i Li Šanfu pryhavaryli da śmiarotnaha pakarańnia z dvuchhadovaj adterminoŭkaj vykanańnia prysudu. Jak paviedamlaje dziaržaŭnaja presa, Vej i Li abvinavačvalisia ŭ karupcyi, piša Bi-bi-si.
Kitajskaje infarmacyjnaje ahienctva «Sińchua» tłumačyć, što dvuchhadovaja adterminoŭka, jakuju vajskovy sud u čaćvier daŭ dvum byłym ministram, faktyčna aznačaje, što praz dva hady śmiarotny prysud zamieniać na pažyćciovaje źniavoleńnie biez prava na daterminovaje vyzvaleńnie.
Majomaść abodvuch ministraŭ kanfiskavali.
Vej Fenche zajmaŭ pasadu ministra abarony z 2018 pa 2023 hod. Li Šanfu zamianiŭ jaho ŭ sakaviku 2023-ha, ale prabyŭ ministram tolki da kastryčnika. Pry hetym jon źnik z publičnaj prastory jašče raniej — za dva miesiacy da aficyjnaj adstaŭki.
Li Šanfu pryjazdžaŭ 16 žniŭnia ŭ Minsk, i Łukašenka navat nazvaŭ jaho samaj miedyjnaj asobaj śvietu. Taksama kitajski hienierał sustrakaŭsia ź ministram abarony Viktaram Chreninym.
U kitajskaj armii niadaŭna adbyłasia čystka siarod vyšejšaha kamandnaha składu. Kitajskaja emihranckaja presa publikavała čutki pra toje, što vojenačalniki rychtavali źviaržeńnie lidara KNR Si Czińpina, ale pavodle aficyjnaj viersii šmatlikija zvalnieńni byli źviazany z baraćboj z karupcyjaj.
U lutym staršynia KNR Si Czińpin zajaviŭ, što armija «prajšła revalucyjnuju zahartoŭku ŭ baraćbie z karupcyjaj».
Pierad hetym u studzieni abviaścili, što pad śledstvam znachodziacca samy vysoki čyn u vajskovaj ijerarchii — namieśnik staršyni Centralnaj vajskovaj rady (CVR), 75‑hadovy hienierał Čžan Jusia (staršynioj źjaŭlajecca sam Si Czińpin), — i jašče adzin vysokapastaŭleny vajskoviec.
Jašče krychu raniej, u kastryčniku 2025 hoda, adchilili i vyklučyli z Kamunistyčnaj partyi dzieviać hienierałaŭ, jakija zajmali vysokija pasady, u tym liku troch členaŭ CVR.
U vyniku ŭ składzie CVR zamiest zvykłych siami členaŭ u studzieni zastałosia tolki dvoje: Si i hienierał Čžan Šanmin, jaki kuryravaŭ baraćbu z karupcyjaj u armii.
Za 13 hadoŭ pry ŭładzie Si Czińpin nieadnarazova zapuskaŭ maštabnyja antykarupcyjnyja kampanii.
Śpiecyjalisty pa kitajskaj palitycy adznačajuć, što staršynia Si padčas hetych kampanij nie tolki sapraŭdy zmahajecca z karupcyjaj, ale i ŭchilaje palityčnych kankurentaŭ.
Topavaha kitajskaha hienierała vinavaciać u pieradačy jadziernych sakretaŭ ZŠA
Li Šanfu aficyjna źniaty z pasady ministra abarony KNR. U žniŭni jon pryjazdžaŭ u Minsk
Ministr abarony Kitaja adchileny ad pasady i znachodzicca pad śledstvam. Miesiac tamu jon prylataŭ u Minsk
U Kitai paśla čystak vajskoŭcaŭ uzialisia i za cyvilnych čynoŭnikaŭ
U Kitai praciahvajucca žorstkija čystki ŭ armii: palacieła hałava druhoha čałavieka ŭ vojsku
Si Czińpin pravodzić maštabnuju čystku ŭ kitajskaj armii
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje9
Kamientary