Łukašenka — Małafiejevu: Ty mnie pryviadzi ludziej i raśpišy, što rabić. Usio zrablu!
Alaksandr Łukašenka ŭ hutarcy ź biełaruskim trenieram Eduardam Małafiejevym siońnia na sustrečy ŭ Pałacy Niezaležnaści abmierkavali prablemy raźvićcia ajčynnaha futboła, paviedamlaje Tribuna.com.
president.gov.by
Alaksandr Łukašenka: Ty mnie skažy. Voś pieršy numar: Eduard Vasiljevič Małafiejeŭ. 2-i — Jura Pudyšaŭ, Viarhiejenka, Kurbyka. Što im treba zrabić? Ty mnie skažy, ja zrablu!
Eduard Małafiejeŭ: Treba trenieraŭ padrychtavać dobrych. Tady budzie futboł.
— Heta ty budzieš rabić?
— Tak tak.
— Ty mnie pryviadzi ludziej i raśpišyciesia, čym jany buduć zajmacca. I skažy, što ad mianie treba.
— Dobra.
— Treba ŭ hetym hodzie vynik davać, u nastupnym. I potym praz dva hady, — skazaŭ Łukašenka.
***
Eduard Małafiejeŭ treniravaŭ nacyjanalnuju zbornuju Biełarusi ŭ 2000-2003 hh.
U hetym hodzie ajčynnaja zbornaja, jakuju treniruje Ihar Kryvušenka, startuje ŭ novym turniry Liha nacyj. U našym vypadku heta spabornictva ŭ dyvizijonie (Lizie) D siarod 16 zbornych z najhoršym rejtynham, adnak pieramoha ŭ Lizie D daje propusk na Jeŭra-2020. Na pieršym etapie supiernikami biełarusaŭ buduć Luksiemburh, Małdova, San-Maryna.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary