Pieramožca konkursu sełfi: «Dumała, usio heta marna, a paśla pračnuŭsia azart!»
Pryjšoŭ čas padvieści vyniki konkursu «Našaj Nivy» i Samsung Galaxy A8|A8+ «Navučy babulu rabić sełfi», što startavaŭ jašče ŭ lutym.
My atrymali 35 cudoŭnych jarkich fotazdymkaŭ z usioj krainy. Žury było vielmi ciažka vyznačyć ź ich trojku najlepšych. I vam taksama, my ŭpeŭnienyja, było nialohka vyrašyć, kamu addać svoj hołas.
U vyniku pieramožcaj ź vialikim adryvam stała 78-hadovaja Maryja Azbuka ź vioski Muraviejnica Kalinkavickaha rajona Homielskaj vobłaści. Za jaje pakinuli 1305 hałasoŭ. Ahułam ža svoj vybar zrabili amal 3000 čałaviek.
U siamji spadaryni Maryi Azbuki spačatku nie vieryli ŭ toje, što jany buduć uklučanyja ŭ trojku finalistaŭ, a paśla, kažuć, pračnuŭsia azart. Za MC Azbuku hałasavali ŭsie rodnyja i znajomyja.
Unučka Natalla, jakaja ŭhavaryła babulu paŭdzielničać u konkursie i navučyła rabić sełfi, u svaim instahramie zaklikała hałasavać usich fałovieraŭ.
«Babula skazała, što ničoha nikoli nie vyjhravała, tamu nie raźličvała na pośpiech», — zapeŭnivaje Natalla.
Ale ciapier spadarynia Maryja nie moža schavać ščaślivych emocyj:
«Ja vielmi zadavolenaja! Ciapier u mianie budzie telefon z kamieraj, a to moj knopačny nie ŭmieje rabić fotazdymki. A druhi pryz addam unučcy, bo ŭsia hetaja historyja zdaryłasia sa mnoj tolki dziakujučy joj».
Toje samaje sełfi, što pieramahło.
Chutka my nakirujemsia da Maryi Azbuki sa smartfonami Samsung Galaxy A8 i Samsung Galaxy A8+ u rukach i raspaviadziom historyju hetaj 78-hadovaj žančyny.
Čakajcie repartaž! I, niahledziačy na toje, što konkurs zaviaršyŭsia, praciahvajcie vučyć babul i dziadul rabić sełfi. Chaj ich vydatnyja kadry uvojduć u vašu asabistuju siamiejnuju historyju!
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary