Пераможца конкурсу сэлфі: «Думала, усё гэта марна, а пасля прачнуўся азарт!»
Прыйшоў час падвесці вынікі конкурсу «Нашай Нівы» і Samsung Galaxy A8|A8+ «Навучы бабулю рабіць сэлфі», што стартаваў яшчэ ў лютым.
Мы атрымалі 35 цудоўных яркіх фотаздымкаў з усёй краіны. Журы было вельмі цяжка вызначыць з іх тройку найлепшых. І вам таксама, мы ўпэўненыя, было нялёгка вырашыць, каму аддаць свой голас.
У выніку пераможцай з вялікім адрывам стала 78-гадовая Марыя Азбука з вёскі Муравейніца Калінкавіцкага раёна Гомельскай вобласці. За яе пакінулі 1305 галасоў. Агулам жа свой выбар зрабілі амаль 3000 чалавек.
У сям’і спадарыні Марыі Азбукі спачатку не верылі ў тое, што яны будуць уключаныя ў тройку фіналістаў, а пасля, кажуць, прачнуўся азарт. За MC Азбуку галасавалі ўсе родныя і знаёмыя.
Унучка Наталля, якая ўгаварыла бабулю паўдзельнічаць у конкурсе і навучыла рабіць сэлфі, у сваім інстаграме заклікала галасаваць усіх фаловераў.
«Бабуля сказала, што нічога ніколі не выйгравала, таму не разлічвала на поспех», — запэўнівае Наталля.
Але цяпер спадарыня Марыя не можа схаваць шчаслівых эмоцый:
«Я вельмі задаволеная! Цяпер у мяне будзе тэлефон з камерай, а то мой кнопачны не ўмее рабіць фотаздымкі. А другі прыз аддам унучцы, бо ўся гэтая гісторыя здарылася са мной толькі дзякуючы ёй».
Тое самае сэлфі, што перамагло.
Хутка мы накіруемся да Марыі Азбукі са смартфонамі Samsung Galaxy A8 і Samsung Galaxy A8+ у руках і распавядзём гісторыю гэтай 78-гадовай жанчыны.
Чакайце рэпартаж! І, нягледзячы на тое, што конкурс завяршыўся, працягвайце вучыць бабуль і дзядуль рабіць сэлфі. Хай іх выдатныя кадры увойдуць у вашу асабістую сямейную гісторыю!
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне11
Каментары