Pryznačeńni atrymali namieśniki kolišnich kiraŭnikoŭ viedamstvaŭ.
Novym ministram enierhietyki staŭ Viktar Karankievič.
naradziŭsia 1 žniŭnia 1976 hoda ŭ horadzie Kiraŭsk Mahiloŭskaj vobłaści.
U 1997 hodzie jon skončyŭ niedziaržaŭny Instytut sučasnych viedaŭ, u 2005 hodzie — Biełaruski nacyjanalny techničny univiersitet, u 2010 hodzie — Akademiju kiravańnia.
Z 1997 pa 2004 hod pracavaŭ na pasadach śpiecyjalista i viadučaha śpiecyjalista ŭ roznych strukturach Biełaruskaha dziaržaŭnaha enierhietyčnaha kancerna. U 2004-2006 hadach — načalnik finansavaha adździeła — namieśnik načalnika ŭpraŭleńnia finansaŭ, uliku i spravazdačnaści Biełaruskaha dziaržaŭnaha enierhietyčnaha kancerna.
Z 2006 pa 2012 hod zajmaŭ pasadu načalnika hałoŭnaha ekanamičnaha ŭpraŭleńnia Ministerstva enierhietyki Biełarusi. U 2012 hodzie pryznačany namieśnikam ministra enierhietyki, u 2017 hodzie — pieršym namieśnikam ministra.
Aproč taho, źjaviŭsia novy staršynia «Biełnaftachima». Im staŭ Andrej Rybakoŭ.
Andrej Rybakoŭ naradziŭsia 11 lipienia 1976 hoda ŭ Mahilovie. Skončyŭ Mahiloŭski technałahičny instytut, Mahiloŭski dziaržaŭny technałahičny univiersitet, Akademiju kiravańnia.
U 1998-2004 hadach zajmaŭ pasady aparatčyka sintezu, starejšaha majstra, načalnika adździaleńnia, namieśnika načalnika chimika-pradzilnaha cecha i načalnika azdobnaha cecha zavoda poliefirnych nitak na pradpryjemstvie «Mahiloŭchimvałakno».
Z 2004 pa 2008 hod pracavaŭ hałoŭnym śpiecyjalistam, namieśnikam načalnika adździeła, načalnikam adździeła chimičnych vałoknaŭ, namieśnikam načalnika vytvorča-technałahičnaha kiravańnia — načalnikam adździeła chimičnych vałoknaŭ, načalnikam vytvorča-technałahičnaha kiravańnia kancerna «Biełnaftachim».
U 2008-2015 hadach — pieršy namieśnik hienieralnaha dyrektara «Mahiloŭchimvałakno». Ź lutaha pa sakavik 2015 hoda zajmaŭ pasadu namieśnika dyrektara pa kamiercyjnych pytańniach zavoda hornaha vosku.
U 2017 hodzie staŭ namieśnikam staršyni Biełnaftachima.
Ciapier čytajuć
Pamiatajecie čynoŭnika, jakoha kreatyŭna admazali ad zabojstva čałavieka na palavańni? Jon admazaŭsia znoŭ7
Kamientary