300 chot-dohaŭ za dźvie hadziny i Mona Liza z kietčupu — A-100 praviała pieršyja «Jeŭrapiejskija hałodnyja hulni» FOTY
U hetuju niadzielu 9 vieraśnia prajšli pieršyja «Jeŭrapiejskija hałodnyja hulni». Takoje hastranamičnaje spabornictva pa padrychtoŭcy i chutkasnym pajadańni chot-dohaŭ u Parku Pieramohi arhanizavała sietka AZS «A-100». Bolš za 100 udzielnikaŭ pazmahalisia za zvańnie hałoŭnaha amatara hetaha stryt-fuda i załatuju chot-doh kartu na miesiac biaspłatnych abied-setaŭ z chot-doha i kubačka kavy. Za dzień takoha spabornictva było pryhatavana 300 chrustkich bułačak i bolš za 20 kiłahramaŭ sasisak.
Čempijanaty pa chutkasnym pajadańni stryt-fuda ŭžo bolš za 100 hadoŭ prachodziać u roznych kropkach našaj płaniety. Siarod krain-lidaraŭ pa kolkaści takich fud-spabornictvaŭ — ZŠA, Kanada i Japonija. U Biełarusi miesca hałoŭnaha ekśpierta pa takim smačnym «vidzie sportu» ŭtrymlivaje sietka AZS «A-100».
U 2016 hodzie «A-100» praviała pieršuju ŭ krainie «Bitvu kaŭbasak». Za try hady asartymient chot-dohaŭ i raznastajnaść smakaŭ u sietcy pavialičyłasia ŭ niekalki razoŭ, a tradycyjny čempijanat pa pajadańni chot-dohaŭ staŭ bolš maštabnym i sioleta viarnuŭsia pad nazvaj «Jeŭrapiejskija hałodnyja hulni».
«Ciapier na našych aŭtazapraŭkach možna pakaštavać chot-dohi ź piaćciu vidami sasisak: ź jałavičyny, śvininy, kurycy, kački i firmovuju. Kožny siezon my papaŭniajem mieniu navinkami, zusim chutka prezientujem novy smak, jaki źjavicca na biełaruskich AZS upieršyniu, — raspaviadaje Volha Ciškievič, načalnik adździeła markietynhu «Astotrejdzinh». — My śmieła nazyvajem siabie ekśpiertami ŭ hetym papularnym siarod biełarusaŭ stryt-fudzie, tamu što pieršymi stali hatavać i pradavać francuzskija chot-dohi na aŭtazapraŭkach, a recepty sasisak dla ich my raspracoŭvajem samastojna z najlepšymi vytvorcami krainy».
Acanić chot-dohi ad «A-100» biaspłatna minčanie zmahli padčas udziełu ŭ spabornictvach «Jeŭrapiejskich hałodnych hulniaŭ». Pieršych «spartsmienaŭ» u Parku Pieramohi pačali vybirać a 14-j hadzinie. Kožny ź ich zmahaŭsia za pieramohu ŭ adnym sa «smačnych» konkursnych etapaŭ. Padčas kulinarnaha maleńkija biełarusy hatavali frenč-dohi za 20 siekund. U «ramantyčnym» udzielniki, jakija pryjšli sa svajoj paraj, jeli frenč-doh na dvaich. Samym papularnym konkursam, na jaki ŭtvaryłasia čarha, stała malavańnie kietčupam i harčycaj. Z dapamohaj hetych 2 sousaŭ minčukam prapanavali namalavać dziaŭčat ź lehiendarnych pałotnaŭ: Mona Lizu, Žančynu z žamčužnaj zavušnicaj, Frydu Kało de Ryvera i Vienieru Bacičeli.
Finalny konkurs za hałoŭny pryz — załatuju chot-doh kartu, jakaja daje mahčymaść na praciahu miesiaca biaspłatna abiedać va ŭsioj sietcy AZS «A-100» — pačaŭsia paśla 16 hadzin. Da hetaha času kala pola «Jeŭrapiejskich hałodnych hulniaŭ» źjaviŭsia natoŭp ź niekalkich sotniaŭ hledačoŭ. U 20 «spartoŭcaŭ» było roŭna 5 chvilin, kab źjeści maksimalnuju kolkaść porcyj. Finalisty ahułam źjeli bolš za 100 chot-dohaŭ, a siarod hałoŭnych pretendentaŭ na pieramohu byŭ zaŭvažany alimpijski čempijon pa viesłavańni na kanoe Alaksandr Bahdanovič.
Pieramohu ŭ «Jeŭrapiejskich hałodnych hulniach» atrymaŭ minčuk Maksim Asajevič. Jon i atrymaŭ u padarunak załatuju chot-doh kartu ad «A-100».
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii48
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary