Vykanany śmiarotny prysud Siamionu Bieražnomu, jaki byŭ asudžany da śmiarotnaha pakarańnia Mahiloŭskim abłasnym sudom 21 lipienia 2017 hoda. Pra heta paviedamili svajaki Bieražnoha, piša spring96.org.
Nahadajem, pa prysudzie Mahiloŭskaha abłasnoha suda 21 lipienia Ihar Hieršankoŭ i jaho žonka Taćciana Hieršankova abvinavačvalisia ŭ ździajśnieńni zabojstvaŭ i padrychtoŭcy da ździajśnieńnia zabojstvaŭ, vykradańni čałavieka i padrychtoŭcy da vykradańnia, a taksama ŭ machlarstvie, razboi, vymahalnictvie, kradziažy abo źniščeńni dakumientaŭ. Taćcianu Hieršankovu dadatkova abvinavacili ŭ niezakonnym abarocie narkotykaŭ abo psichatropaŭ. Sudom było ŭstanoŭlena, što złačynnaja hrupa ahułam zarabiła na machinacyjach z čužym žyllom bolš za 2 miljardy niedenaminavanych rubloŭ.
Udzielnikam złačynnaj hrupoŭki byli vyniesienyja nastupnyja prysudy:
- Iharu Hieršankovu — najvyšejšaja miera pakarańnia — rasstreł;
- Siamionu Bieražnomu — najvyšejšaja miera pakarańnia — rasstreł;
- Taćcianie Hieršankovaj — 24 hady turmy z kanfiskacyja majomaści;
- Barysu Kaleśnikavu — 22 hady i 1 miesiac kałonii strohaha režymu.
Što tyčycca Ihara Hieršankova, to jaho maci ŭžo miesiac nie atrymlivała ad jaho listoŭ. Chutka maci čakaje ź im spatkańnia, ale situacyja da kanca nieviadomaja.
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary