Jak buduć vyhladać novyja ciahniki dla minskaha mietro FOTY
20 sakavika na zavodzie šviejcarskaj kampanii Stadler u Fanipali pradstavili pieršy ciahnik dla minskaha mietro. Futurystyčny dyzajn, aŭtamatyka, modulnyja vahony i mižvahonnyja prachody, hukapahłynalnyja materyjały — užo 1 krasavika pieršy ciahnik prybudzie ŭ depo «Mahiloŭskaja», kab prajści šerah nieabchodnych testaŭ i vyprabavańniaŭ, piša Jeŭraradyjo.
Inžyniery kampanii namahalisia padkreślić vysoki technałahičny ŭzrovień navinki i raspracavać dyzajn, jaki b adrazu asacyjavaŭsia ź Minskam i staličnym mietrapalitenam. Kolery «padhladzieli» na hierbie stalicy — błakitny, bieły i čyrvony aktyŭna vykarystoŭvajucca ŭ elemientach novych sastavaŭ.
Uvachodnyja placoŭki vahonaŭ zrabili maksimalna prastornymi. Kala dźviarej žoŭtaj farbaj abaznačana mahčymaja niebiaśpiečnaja zona. Usie ciahniki majuć u svajoj kanstrukcyi hukapahłynalnyja materyjały.
Upieršyniu ŭ staličnym mietrapalitenie źjaviacca sastavy z sučlenienymi vahonami. Ciapier pasažyry mohuć pieramiaščacca pa ŭsim ciahniku praz šyrokija mižvahonnyja prachody.
Dla ludziej z abmiežavanymi mahčymaściami u hałaŭnych vahonach budzie śpiecyjalnaja zona dla kamfortnaj pieravozki invalidaŭ-kalasačnikaŭ. Pierasoŭvacca pa sastavie na vazku taksama budzie mahčyma — šyrynia prachodaŭ pamiž vahonami heta dazvalaje.
Dziela źnižeńnia raschodu elektraenierhii i bolš pilnaha vykanańnia hrafiku kožny novy ciahnik maje «na borcie» sistemu aŭtakiravańnia. Jana padkazvaje mašynistu nieabchodnuju chutkaść i moža aŭtamatyčna spyniacca na stancyjach. Što praŭda, pracavać heta budzie tolki na stancyjach z admysłova ŭstalavanymi barjerami.
I jašče adna «razynka» — zaradzić svoj telefon ci płanšet možna budzie ŭ kožnym vahonie. Taksama ŭsie sastavy majuć kandycyjaniery.
Zamovu na vyrab novych sastavaŭ ciahnikoŭ dla mietrapalitena Stadler atrymaŭ u studzieni 2017 hoda. Kantrakt padpisany na pastaŭku 10 ciahnikoŭ: 6 čatyrochvahonnych i 4 piacivahonnych. Užo ŭ hetym hodzie płanujecca pastavić šeść sastavaŭ, a apošnija čatyry — u 2020 hodzie.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki19
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Kamientary